Në vitet e fundit, qytetet italiane kanë luftuar shpopullimin duke shitur shtëpitë për vetëm 1 euro secila – dhe një grua nga Kalifornia, duke menduar se ishte një mundësi kaq e mirë, bleu tri prej tyre.
Sipas medieve të huaja, përcjell Telegrafi, Rubia Daniels ishte një nga të parat që bleu një shtëpi me çmim të volitshëm në Mussomeli, Sicili, në pranverën e vitit 2019 dhe vazhdoi të blinte dy të tjera për fëmijët e saj.
Daniels më vonë u kthye me një grup miqsh dhe familjarësh, disa prej të cilëve blenë shtëpitë e tyre siciliane dhe ajo tani planifikon të “pensionohet” në qytetin i cili gjendet dy orë në juglindje të Palermos.
Megjithëse Daniels është e kënaqur me “marrëveshjen e saj të mirë”, ajo paralajmëron të tjerët që duhet të ‘jenë të vetëdijshëm për një nivel realiteti’ për shtëpitë e lira, duke shtuar: ‘Nëse më shisni një shtëpi për 1 euro, unë e di që do të duhet ta rregulloj atë’.
Daniels, e cila nuk kishte qenë kurrë në Sicili para se të blinte shtëpitë, por flet italisht, së pari u bë e vetëdijshme për shtëpitë prej 1 euro pasi lexoi një artikull në lidhje me Mussomeli.
Ajo bëri shumë kërkime mbi qytetin, si dhe për shtëpitë në shitje dhe kërkoi më shumë informacione.
E “armatosur” me njohuri, ajo shkoi me aeroplan për në Sicili duke shpresuar se do të blinte një shtëpi dhe u gjend në një qytet që është ‘pothuajse si i ulur mbi re’.
Ajo nuk e mori lehtë vendimin për të blerë dhe kaloi ditë duke vizituar disa shtëpi, duke vendosur dhe duke verifikuar dokumentet.
Daniels i dha vetes shumë kohë dhe përfundoi duke blerë tri shtëpi në vend të një, duke përfshirë një për secilin nga fëmijët e saj, Yuri, 24 vjeç dhe Ygor, 22.
Ajo gjithashtu ndihmoi vajzën e saj Selena, 24 vjeçe, të blinte shtëpinë e saj, për të cilën ajo tani është duke përfunduar dokumentet.
“Të gjithë ishin shumë të ngazëllyer dhe kanë ëndrra dhe aspirata të ndryshme për shtëpitë në të ardhmen”, ka thënë ajo për DailyMail, përcjell Telegrafi. “Më i vogli po planifikon të hap një dyqan kafeje braziliane”.
“Në përgjithësi, [vendasit kanë qenë] shumë pozitivë dhe mikpritës”, rrëfen ajo. “Ata me të vërtetë e bëjnë të lehtë për njerëzit që të hyjnë dhe të ndjekin ëndrrat e tyre. Mussomeli po bëhet një vend multikulturor me njerëz nga e gjithë bota”.
Ndryshe, disa qytete në Itali kanë zënë tituj kryesorë të lajmeve për ofrimin e shtëpive gati falas për blerësit në vitet e fundit.
Dhe Mussomeli, që është “shtëpia” e shpellave bizantine dhe një kështjellë mesjetare, ishte një nga të parët që e bëri këtë, duke varur shpallje në dyert e pronave në dispozicion duke drejtuar blerësit e ardhshëm në një faqe në internet.
Komuna e Mussomeli shpjegon se kaq shumë shtëpi mbeten bosh sepse njerëzit që jetonin në to kanë vdekur, dhe fëmijët dhe nipërit e mbesat e tyre zgjedhin të jetojnë në qytete të tjera.
Qytetarë të tjerë janë zhvendosur në qytete më të mëdha për punë, ose janë zhvendosur në shtëpi më të reja gjatë bumit të ndërtimit të viteve 1970.
Por ndërsa çmimi i shitjes për secilën prej shtëpive është vetëm 1 euro, çmimi aktual i zotërimit të ndonjë prej këtyre shtëpive natyrshëm është pak më i lartë.
Kushdo që blen një shtëpi në Mussomeli duhet ta rinovojë atë brenda tri vjetësh, ose ata përballen me humbjen e depozitës së tyre, e cila thuhet se është 5,000 euro.
Sipas CNBC, çmimet e rinovimeve mund të shkojnë midis 100 euro deri në 700 euro për metër katror.
Meqenëse madhësitë e shtëpive variojnë deri në 190 metra katrorë, kostoja totale e rinovimeve mund të jetë deri në 133,000 euro. /Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Dhjetë aeroportet më të pastra në botë - vetëm një është në Evropë
Izraeli ndërton 'kube kibernetike' për t'u mbrojtur nga hakerët iranian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak