Pirlo pas humbjes: Penalltia e Napolit ishte e dyshimtë, merituam fitoren

Andrea Pirlo beson se incidenti i penalltisë ishte ‘i dyshimtë’ pas disfatës ndaj Napolit, ndërsa mendon se ekipi i tij meritoi të fitonte.

Bianconerët pësuan disfatën e tyre të dytë në Serie A në vitin 2021, pasi u mposhten në Inter dhe tani në Stadio Diego Armando Maradona.

Lorenzo Insigne humbi një penallti kundër Juve në Supercoppa muajin e kaluar, por këtë herë ai shënoi penalltinë e akorduar pas një goditje të Giorgio Chiellinit në fytyrën e Amir Rrahmani.

“Asnjëherë nuk kemi pasur një goditje në portë, kemi humbur për shkak të një incidenti të dyshimtë, por është për të ardhur keq që nuk e morëm fitoren. Bëmë paraqitjen që na duhej, por jo rezultatin që meritonim”, ka thënë fillimisht Pirlo për Sky Sport Italia.

“Ne e qarkulluam topin, por jo aq shpejt, kështu që Napoli ishte në gjendje të pozicionohej. Në pjesën e dytë ne ishim më iniciativë, krijuam më shumë shanse, por nuk e gjetëm golin”.

Pirlo u pyet pse e konsideronte incidentin e penalltisë si ‘të dyshimtë’ pasi Chiellini përplasi dorën e tij në fytyrën e Rrahmanit.

“Nëse jepni një penallti për këtë, atëherë çdo kontakt do të dënohet me një goditje dënimi. Nëse kjo do të ishte dhënë për ne, do të kishte pasur shumë polemika dhe ankesa, duke supozuar se nuk do të na jepej fare”.

FOTO ZOOM – #NapoliJuventus la manata di Chiellini su Rrahmani pic.twitter.com/XvTUghEYBN

— Napoli Magazine (@napolimagazine) February 13, 2021

“Thjesht po them që incidentet shkuan në atë mënyrë sot. Ishte një penallti e dyshimtë, një dyshim mbi kartonin e verdhë të dytë për Giovanni Di Lorenzo. Disa incidente trajtohen ndryshe kur janë kundër Juventusit, sepse të gjithë flasin për ne. Ndonjëherë ajo taktikë funksionon, ndonjëherë nuk bën”.

“Është e natyrshme kur luajmë kaq shumë lojëra që na mungon pak mprehtësia, por ishte një paraqitje e mirë dhe e vetmja gjë që na mungonte ishte goli”.

“Nuk ka asnjë garanci që ekipi që shënon më shumë gola atëherë fiton Scudetto. Ne krijojmë shumë raste, portieri i Napolit ishte ‘Njeriu i Ndeshjes’, kështu që nuk mund të ankohem për sulmuesit e mi sot”.

“Ne mund të jemi 10 pikë larg vendin të parë me një ndeshje më pak, por është ende vetëm shkurti dhe nëse vazhdojmë të luajmë në këtë nivel, do të bëjmë mirë”.

“Nëse vendosim këtë lloj performance dhe shënojmë gola, atëherë jam i sigurt se do të marrim rezultatet që duam”, përfundoi trajneri i Juventusit. /Telegrafi/