Luis Suarez ‘pranon fajësinë’ për ‘kopjim’ në provimin e gjuhës italiane

Ylli i Atletico Madridit, Luis Suarez thuhet se ka pranuar se ka marrë përgjigjet në provimin e gjuhës italiane, të cilin ai e dha para një transferimi të dështuar te Juventusi gjatë verës.

33-vjeçari ishte afër një lëvizje në Torino në muajin shtator dhe kreu provimin për tu bërë një shtetas italian për të përfunduar transferimin. Ai kishte të drejtë për këtë pasi gruaja e tij ka origjinë italiane.

Sidoqoftë, marrëveshja nuk u bë dhe Suarez përfundoi duke qëndruar në Spanjë dhe duke iu bashkuar rivalëve të Atletico Madridit dhe jo Juventusit.

Lexo po ashtu “Çështja Suarez-Juventus dhe pasaporta italiane”, ekzaminuesi thotë se nuk ka folur asnjëherë me klubin italian

Prokurorët që atëherë kanë pretenduar se Juventusi ‘përshpejtoi’ procesin e shtetësisë, dhe duke mashtruar në provimin e nevojshëm të gjuhës – që u mor në Universitetin për të Huajt në Perugia.

Konkretisht, prokurori Raffaele Cantone deklaroi se “rezultati i provimit ishte paracaktuar në mënyrë që të korrespondonin me kërkesat e bëra nga Juventus”.

Si pjesë e hetimit për këtë, agjencia e lajmeve Ansa raportoi se gjyqtarët folën me sulmuesin si dëshmitar këtë javë në një video konferencë – pasi ai aktualisht nuk është nën hetim.

Tani, sipas gazetarit italian Tancredi Palmeri, Suarez u tha autoriteteve se ai i mori përgjigjet përpara testit.

Luis Suarez has admitted to Italian authorities to have received in advance the answers to pass the test for Italian language

— Tancredi Palmeri (@tancredipalmeri) December 19, 2020

Ndërsa Suarez nuk e përfundoi transferimin në Juventus në fund, ai u largua nga Barcelona për rivalët e Atletico Madridit.

Uruguaiani ka bërë një fillim të fortë nën urdhrat e Diego Simeones, me shtatë gola në nëntë paraqitje. /Telegrafi/