Pse distanca fizike nuk është problem për finlandezët: Nordikët gati sa nuk kanë valë të dytë të COVID-19

Ndërsa të tjerët po përpiqen të krijojnë distanca fizike, për finlandezët kjo është e natyrshme.

Ndërsa shumë vende e kanë të vështirë të menaxhojnë valën e dytë të coronavirusit, Finlanda ka arritur të ndalojë rritjen e numrit, të ndihmuar nga fakti që distancimi fizik është i natyrshëm për finlandezët.

Megjithëse, Finlanda ka një rezultat të mirë në luftën kundër virusit për shkak të vendndodhjes dhe dendësisë së popullatës, fakti që shumica e finlandezëve vlerësojnë hapësirën private dhe vetminë një rol kyç në jetën e tyre, raporton theeconomist.

“Zona hapësinore private në Finlandë mund të jetë pak më e gjerë sesa në vendet e tjera evropiane. Na pëlqen t’i mbajmë njerëzit një metër ose më shumë larg nesh, përndryshe nuk ndihemi rahat”, tha Mika Salminen, drejtoreshë e agjencisë finlandeze të shëndetit THL, raporton Telegrafi.

Finlanda kishte 54.2 raste të infektimit për 100,000 banorë në një nivel dy-javor të dielën. Evropa ka një mesatare prej 576, dhe më e keqja preku Luksemburgun 1302.8 raste për 100 mijë njerëz, sipas të dhënave nga Qendra Evropiane për Parandalimin dhe Kontrollin e Sëmundjeve..

Një sondazh i Eurobarometer zbuloi se 73 përqind e finlandezëve besojnë se masat kufizuese të futura në valën e parë të infeksionit toleroheshin lehtësisht dhe 23 përqind thanë se ato “madje përmirësuan” jetën e tyre të përditshme.

“Ne na pëlqen të jemi vetëm ndërsa endemi në pyll ose notojmë në liqene, kështu që shumë finlandezë kanë qejf të jetojnë vet”, tha Kristian Wahlbeck, drejtor i Shoqatës Finlandeze të Shëndetit Mendor (MIELI).

Lexo po ashtu Aeroporti i Helsinkit përdor qentë për të nuhatur dhe detektuar pasagjerët, që mund të jenë të infektuar me coronavirus

Finlanda kishte përqindjen më të lartë të atyre që filluan të punojnë nga shtëpia në muajin prill, pothuajse 60 për qind, sipas një sondazhi të Eurofound.

Rreth 2.5 milionë nga gjithsej 5.5 milionë finlandezë kanë shkarkuar vullnetarisht aplikacionin e qeverisë për ndjekjen e kontakteve, të cilin kolegët e Salminen në shtetet e tjera mund ta ëndërrojnë vetëm.

Pas valës së parë, numri i të infektuarve në Finlandë pothuajse ra në zero në korrik, por qeveria ende vendosi të mbajë disa nga kufizimet më të rrepta për hyrjen në vend, duke e lejuar atë të hyjë në valën e dytë me një numër të vogël të infektuarish. /Telegrafi/