Çfarë ndikimi mund të ketë në garën presidenciale rinumërimi i votave në Georgia?

Kemi raportuar se shteti i Georgias do të bëjë një rinumërim të plotë të votave për zgjedhjet presidenciale amerikane.

Sekretari i Shtetit i Georgias, Brad Raffensperger u tha gazetarëve se “Ne do të numërojmë çdo copë letër – çdo fletë të vetme, çdo fletë votimi të hedhura në mënyrë të ligjshme”.

Lexo po ashtu Georgia shkon në rinumërim me dorë të të gjitha votave

Kjo është ajo që kërkoi të martën fushata e presidenti aktual të SHBA-së, Donald Trump, raporton bbc.

Secili shtet ka rregullat e veta të rinumërimit, por në përgjithësi, fletët e votimit do të riskenohen dhe rishikohen. Në disa vende, një numër i caktuar i fletëve të votimit numërohen me dorë për të siguruar vlefshmërinë e makinerive, transmeton Telegrafi.

Por, rinumërimet rrallë kanë shkaktuar një ndryshim në rezultatet përfundimtare. Gjithashtu është e rëndësishme të theksohet se edhe nëse Joe Biden humbet Georgian, ai është ende mbi pragun e 270 votave elektorale.

Afati shtetëror i Georgia për vërtetimin e rezultateve të zgjedhjeve është 20 nëntori.

Lexo po ashtu Trump ka fituar në Alaskë, demokratët pranë humbjes në garën për Senat

Fushata e kandidatit republikan më herët tha se do të kërkonte gjithashtu një rinumërim edhe në shtetin e Wisconsinit.

Profesori i Shkollës së Drejtësisë të Universitetit Columbia, Richard Briffault i tha BBC se kishte një rinumërim në Wisconsin edhe në vitin 2016 dhe ai ndryshoi disa qindra vota. /Telegrafi/