Skuadrat angleze po monitorojnë Joao Felixin, por problemi qëndron tek klauzola e tij e lartë

Joao Felix iu bashkua verën e kaluar Atletico Madridit për një shumë prej 120 milionë euro.

Los Colchoneros thyen rekordin e klubit duke e bërë portugezin e talentuar si blerjen më të shtrenjtë në histori të tyre.

Por sezoni i tij i parë në Vanda Metropolitano nuk ishte i duhur pasi kishte ulje e ngritje të formës.

Gjithsesi trajneri Diego Simeone i beson shumë lojtarit dhe nuk dëshiron të mendojë për largimin e tij.

Por lajmet e fundit që vijnë nga Anglia raportojnë se dy skuadrat e qytetit të Manchesterit, City e United po e monitorojnë situatën e tij.

Të dy ekipet kanë biseduar me agjentin e lojtarit Jorge Mendes për mundësinë e transferimit të Felix në Ligën Premier.

Përkundër interesimit të tyre, problemi qëndron tek klauzola jashtëzakonisht e lartë e portugezit.

20-vjeçari ka një kontratë afatgjate me Atleticon deri në vitin 2025 dhe një klauzolë prej 300 milionë euro.

Për momentin dy skuadrat e Manchesterit e kanë të pamundur ta transferojnë Joao Felixin, por mbetet të shihet nëse vitin e ardhshëm do të bëjnë përsëri përpjekje për një gjë të tillë. /Telegrafi/