Barcelona synon transferimin e mbrojtësit Jules Kounde

Barcelona thuhet se ka synim qendërmbrojtësin e Sevillas, Jules Kounde, si një opsion mbrojtës afatgjatë në Kataluni.

Gjigantët katalunas janë lidhur me përforcime mbrojtëse përpara sezonit 2020-21, megjithatë, Ronald Koeman ende nuk e ka forcuar vijën e tij të prapme.

Reprezentuesi i Francës U-21, Kounde thuhet se është një nga opsionet e tij të mundshme.

Por, sipas faqes së parë të edicionit të së shtunës në Mundo Deportivo, ata mund të presin 12 muaj për të siguruar një marrëveshje.

Vonesa është për shkak të rëndësisë së tij në ekipin e Julen Lopetegui pasi luajti një rol vendimtar në Ramon Sanchez Pizjuan pas lëvizjes së tij në 2019 nga Bordeaux.

Sevilla nuk janë të gatshëm ta shesin 21-vjeçarin, ndërsa klauzola aktuale e lirimit të tij nga klubi është 75 milionë euro.

🧐 Koundé es objetivo de futuro, porque está Eric García y porque sus 75 ‘kilos’ son prohibitivos

👉 Su exhibición en la final de la Europa League asombró a la dirección deportiva

✍ por @gbsans https://t.co/VMkayeUMOl

— Mundo Deportivo (@mundodeportivo) September 12, 2020

Koeman gjithashtu është vendosur të mbështetet në opsionet e tij aktuale mbrojtëse në muajt e ardhshëm, me Gerard Pique dhe Clement Lenglet që të dy do të qëndrojnë në Kataluni.

Samuel Umtiti mund të shitet para se të mbyllet afati i transferimit muajin tjetër, pasi dëmtimet e shpeshta kanë që Barcelona të mos llogarit më në të. /Telegrafi/