Sevilla fiton derbin andaluzian ndaj Betisit, gjithçka që ndodhi në ndeshjen e parë të La Ligas pas tre muajve pauzë

Pas tre muajve pauzë për shkak të pandemisë Covid-19, është rikthyer futbolli në Spanjë me ndeshjen derbi mes Sevillës dhe Real Betisit.

Dy skuadrat e qytetit janë përballur me njëra tjetrën në Estadio Ramon Sanchez Pizuan, ku në fund fitorja i takoi vendasve me rezultat 2-0.

Ndeshja filloi me një minutë heshtje për viktimat që vdiqën nga pandemia Covid-19.

? Minuto de silencio en el Ramón Sánchez-Pizjuán en memoria de todas las víctimas de la COVID-19 y de Marcelo Campanal.#WeareSevilla #ElGranDerbi pic.twitter.com/K0Rt6EpJYN

— Sevilla Fútbol Club (@SevillaFC) June 11, 2020

Pjesa e parë nuk solli gola përkundër që vendasit patën dy raste të mira shënimi me Lucas Ocampos dhe Munir El Haddadi, por pa përfunduar topi në rrjetë.

Kësisoj 45 minutat e para të kësaj sfide përfunduan ashtu siç filluan pa gola 0-0.

Sevilla e nisi më mirë edhe pjesën e dytë ku në minutën e 54-të, fituan një penallti të cilën në gol e shndërroi sulmuesi Lucas Ocampos për 1-0.

? @Locampos15 ??#ElGranDerbi 1-0 (61´)#vamosmiSevilla #WeareSevilla pic.twitter.com/S24RTWjLxO

— Sevilla Fútbol Club (@SevillaFC) June 11, 2020

Vetëm shtatë minuta më vonë Sevilla gjeti edhe golin e dytë në ndeshje, ku kësaj radhe realizoi veterani Fernando.

Deri në fund mysafirët tentuan të bënin diçka më shumë, por që nuk arritën të shënonin as golin e nderit.

Edhe pse në fund lojtarët nuk e bënë festën e përhershme me tifozët që mungonin në shkallët e stadiumit, mijëra tifozët ishin mbledhur jashtë stadiumit dhe nuk donin të dëgjonin për coronavirus, duke festuar fitoren e skuadrës së tyre të zemrës.

Me këtë fitore Sevilla ruan pozitën e tretë në tabelë me 50 pikë të tubuara, ndërsa Betis ndodhet në vendin e 12-të me 33 pikë, por që nuk mbetet qetë deri në fund të kampionatit.

Ndeshja e parë pas rikthimit të futbollit në Spanjë u karakterizua me masa të rrepta sigurie në stadiume.

▶️ Ya están los nuestros en el Ramón Sánchez-Pizjuán ❤️?#WeareSevilla #ElGranDerbi pic.twitter.com/tciC6Acs5D

— Sevilla Fútbol Club (@SevillaFC) June 11, 2020

Para fillimit të ndeshjes ishte dezinfektuar gjithçka në stadium, nga ulëset tek flamujt e kornerit, portat apo edhe bankat rezervë.

¡Así fue nuestra llegada a Nervión! ????#DíaDeBetis #ElGranDerbi pic.twitter.com/2EollBSVQ4

— Real Betis Balompié ?? (@RealBetis) June 11, 2020

Lojtarët rezervë qëndronin në tribuna, ndërsa sa i përket atyre në fushë në momentin e shënimit të golave kanë festuar normalisht.

Sevilla kishte vendosur që gjatë gjithë takimit të lëshoj audion e tifozëve vendas, duke bërë që të krijohet një atmosferë më e mirë në stadium. /Telegrafi/

The first goal of the La Liga return goes to Sevilla and Lucas Ocampos ?

(via @beINSPORTSUSA)pic.twitter.com/Afv7EvnYG5

— Yahoo Soccer (@FCYahoo) June 11, 2020

After scoring the opener on a penalty, Lucas Ocampos sets up Fernando with a *sweet* back-heel to help Sevilla double its lead over Real Betis in #ElGranDerbi

(via @IntChampionsCup)pic.twitter.com/rn4R8fJyPm

— Planet Fútbol (@si_soccer) June 11, 2020