Leverkuseni kërkon më shumë, refuzon 80 milionë euro për Kai Havertz

Kai Havertz është lojtari i momentit në Bundesliga, pasi ka shkëlqyer si para ashtu edhe pas pandemisë Covid-19.

Talenti i madh gjerman ka zgjuar interesimin e skuadrave më të mëdha evropiane, përfshirë Bayern Munich, Real Madrid, Liverpool, Chelsea, Man Utd e Barcelonës.

20-vjeçari ka zhvilluar 38 ndeshje në të gjitha garat këtë edicion me Leverkusenin, ku ka shënuar 15 gola dhe ka bërë tetë asistime.

Leverkuseni e vlerëson shumë yllin e tyre dhe kërkon të fitojë mbi 100 milionë euro nga shitja e tij.

Real Madridi ka bërë ofertën e parë zyrtare në drejtim të ‘farmacuetikëve’, ofertë që është refuzuar menjëherë.

Los Blancos kanë ofruar 80 milionë euro për Havertz si dhe opsionin për ta lënë edhe një vit tek Leverkuseni, ofertë që është refuzuar nga klubi gjerman.

Leverkusen kanë në plan që të fitojnë mbi 100 milionë euro nga shitja e yllit të tyre dhe nuk duan të pranojnë asnjë ofertë më të vogël.

Kësisoj skuadrat tjera evropiane vazhdojnë të ëndërrojnë yllin gjerman, duhet të përgatiten të shpenzojnë shumë për transferimin e tij. /Telegrafi/