Korrupsioni, përparimi ekonomik, sundimi i ligjit, bashkëpunimi rajonal… Lista e pritshmërive ndaj Albin Kurtit si kryeministër i Kosovës është e gjatë edhe në Gjermani.
Nga Gjermania zyrtare pritet që Kurtit t’i dërgohet së shpejti një ftesë për vizitën zyrtare në Berlin, mësoi DW nga qarqe qeveritare. Megjithatë qarqet nga Berlini e shohin ardhjen e Kurtit në krye të qeverisë së re me ndjenja të përziera.
Disa janë të mendimit se Albin Kurti do ta vështirësojë procesin e normalizimit të marrëdhënieve me Serbinë, të tjerë janë më optimistë dhe mendojnë se edhe një radikal si Kurti, do t’i ndryshojë qëndrimet e tij radikale, kur të përballet me kufijtë e arsyes shtetërore.
Shtypi ditor në Gjermani deri tani nuk e ka komentuar qeverinë e re Kurti. Entuziazmi për kthesën historike të Kosovës, që për herë të parë do të drejtohet nga “Burri fjalëkthyes”, siç e quan atë Erich Rathfelder në ‘TAZ’, dhe nga një qeveri “Pa luftëtarë” të UÇK-së, siç vë në dukje Michael Martens në ‘FAZ’.
Megjithatë, kërshëria dhe deri diku pritshmëritë ndaj Kurtit janë të mëdha.
Bodo Weber, një nga konsulentët e partive në Berlin, parashikon në një intervistë për DW se Kurti si kryeministër do të jetë një bashkëbisedues jo fort komod për BE-në dhe ndërkombëtarët. “Nga njëra anë për shkak të qëndrimeve të tij parimore e demokratike, por edhe sepse bindjet dhe programi i partisë së tij vazhdojnë të përmbajnë elemente dogmatike-ideologjike”,, tha Weber.
“Pritshmëri për rol pozitiv për paqen në rajon”
Një nga deputetët që nuk e fsheh gëzimin e tij duke e parë Kurtin si kryeministër të ri të Kosovës është Josip Juratoviq. Deputeti socialdemokrat e kishte mbështetur Kurtin qysh gjatë fushatës. Ai i tha Deutsche Welles se është shumë i gëzuar që u arrit të shmangej përsëritja e zgjedhjeve.
Por sfidat, janë te mëdha. “Përparimi social dhe ekonomik i Kosovës, lufta kundër korrupsionit, por edhe bashkëpunimi rajonal”, numëron ai. “Nuk është vetëm çështja e pavarësisë së Kosovës, por edhe bashkëpunimi me vendet e rajonit, sidomos me Serbinë dhe Bosnjë-Hercegovinën”, sqaron Juratoviq. “Dhe ne do ta shohim me shumë vëmendje këtë bashkëpunim, me shpresë që qeveria e re do të luajë një rol pozitiv për paqen në rajon”, tha ai.
“Liberalizimi i vizave”
Manuel Sarrazin, deputeti i të Gjelbërve, pret tani qe qeveria e re të dëshmojë se “mund ta bëjë më mirë punën se e mëparshmja”. Ngjashëm i sheh sfidat edhe ai. “Sidomos të rinjtë me të drejtë presin një kurs të fortë reformash që do të sjellë më shumë demokraci dhe sundim të ligjit, më shumë perspektiva për të ardhshme dhe zhvillim të qëndrueshëm”, tha Sarrazin.
Sarrazin mendon se tani ka ardhur koha që Kosova të marrë shpërblimin e merituar: ” Vendi i ri e ka merituar të gjithë mbështetjen e BE-së për këtë kurs reformues. Edhe për këtë arsye, duhet më në fund të arrihet vendimi i vonuar për liberalizimin e vizave për kosovarët”. Sarrazin u shpreh më tej për Deutsche Wellen se “rruga drejt BE-së për Kosovën dhe Serbinë do të jetë e mundur vetëm përmes një procesi të suksesshëm të normalizimit. Sarrazin shton gjithashtu edhe se nuk duhet kurrsesi që të ketë ndryshim kufijsh në Ballkan”. /DW/
Promo
Reklamo këtuLufta Prigozhin - Putin
Më shumëÇfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
AGK-ja dënon intimidimin publik të deputetit Dimal Basha ndaj gazetares së RTK-së
Drejtori i RTK-së: Gjuha e përdorur nga deputeti Dimal Basha, e papranueshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City