Pas refuzimit të dy ftesave që i ka bërë, kryetari i Lëvizjes Vetëvendosje, Albin Kurti, sot pritet të takohet me presidentin e Kosovës, Hashim Thaçi, ku do të konsultohen për caktimin e mandatarit për formimin e Qeverisë së Republikës së Kosovës.
Presidenti Thaçi kishte ftuar Kurtin në takim konsultativ për caktimin e mandatarit për formimin e Qeverisë më 27 dhjetor 2019, mirëpo ky i fundit i ishte përgjigjur negativisht ftesës së presidentit, me arsyetimin që nuk ishte në Kosovë.
Megjithatë, kreu i LVV-së, ka pranuar ftesën e tretë të presidentit Thaçit. Takimi do të zhvillohet sot në Presidencë, duke filluar nga ora 15:00.
E, analistët politikë konsiderojnë se kjo do të jetë java përfundimtare ku do të dihet nëse do të formohet Qeveria e re, apo do të shkohet në zgjedhje të reja parlamentare.
Analisti polik, Artan Murati, ka thënë për Telegrafin se nëse Kurti mandatohet sot nga presidenti Thaçi, atëherë LVV do t’i ketë 15 ditë kohë për të siguruar shumicën parlamentare.
“Nëse takimi i sotëm do të jetë i suksesshëm dhe z.Kurti do të mandatohet nga Presidenti Thaçi për të formuar Qeverinë e re, atëherë kthim mbrapa nuk do të ketë për Lëvizjen Vetëvendosje. Nga sot, LVV do t’i ketë 15 ditë në dispozicion për të siguruar shumicën parlamentare në Kuvend dhe të arrijë të prezantoj para deputetëve përbërjen e re të kabinetit qeveritar”, ka thënë ai.
Murati theksoi se tani marrëveshja mes LVV-së dhe LDK-së do të përfshijë edhe postin e presidentit.
“Votimi i kryeparlamentarit nga ana e LDK-së në pamje të parë mund të tingëllojë si një komplikim i mëtutjeshëm i negociatave mes VV dhe LDK, meqenëse kjo pozitë është menduar t’i takojë pikërisht LDK-së. Megjithatë, tani është krijuar një momentum i ri edhe në negociatat mes këtyre dy subjekteve, dhe si i tillë secila marrëveshje potenciale me gjasë do të përfshijë edhe marrëveshjen për presidentin”, shtoi më tej ai.
Si përfundim, Murati tha se nëse LVV nuk do të arrijë të garantojë shumicën parlamentare, madje as pas tentimit të dytë nëse mandatohet nga Presidenti, atëherë vendi mund të shkojë në zgjedhje të reja.
Po ashtu, edhe analisti tjetër politik, Ramush Tahiri, tha se kjo javë do të jetë përcaktuese.
“Kjo do të jetë java që do të dihet se a do të formohet Qeveria, a do të ketë marrëveshje LVV-LDK, apo do të shkohet në zgjedhje të reja.Në këtë takim pritet të bëhen konsultimet e nevojshme se a ka kandidat për kryeministër. Kur të caktohet kandidat me gjasë që do të jetë Albin Kurti, atëherë i ka 15 ditë afat që të zhvillojë bisedimet me LDK-në, pasi që me partitë tjera kanë thënë se nuk do të diskutojnë”, ka thënë Tahiri për Telegrafin.
Ndërkohë, LVV dhe LDK edhe pas shumë takimeve që kanë zhvilluar nuk kanë arritur të bëjnë një marrëveshje për bashkëqeverisje. Këto dy parti janë pajtuar për programin qeverisës, mirëpo nuk kanë arritur të merren vesh për ndarjen e posteve dhe përgjegjësive. LDK ka kërkuar që në marrëveshje të përfshihet edhe pozita e presidentit, ndërsa LVV ka kundërshtuar këtë.
Ndryshe, në seancën konstituive të Kuvendit të Kosovës, e cila është mbajtur më 26 dhjetor 2019 Konjufca është zgjedhur kryetar i ri i Kuvendit të Kosovës. Pro tij kanë votuar 75 deputetë, kundër 27, ndërkaq 6 deputetë kanë abstenuar. /Telegrafi/
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Konkursi për gradimin e policëve, dyshohet për favorizime të familjarëve të eprorëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë