Thaçi fali personin që shkaktoi aksident me fatalitet, reagon familja Bajrami

Presidenti Hashim Thaçi, ka falur me dekret presidencial tre persona që po vuajnë dënime në burgje të Kosovës për vepra të ndryshme penale.

Arlind Latifi, është njëri nga të falurit e Thaçit, i cili kishte aksidentuar për vdekje 20 vjeçarin Butrint Bajrami.

Ai po mban dënimin në Qendrën Korrektuese të Smrekonicës, i janë falur gjashtë muaj.

E për këtë ka reaguar familja e të ndjerit, Butrit Bajrami.

Përmes një shkrimi në Facebook, njëri nga familjarët, Valon Bajrami, ka hedhur akuza ndaj presidentit Thaçi.

Ai e ka quajtur jashtë normales, faljen e Arlind Latifit nga Thaçi, pasi ka thënë se ende familja nuk ia ka falë për aksidentin që shkaktoi fatalitet.

Është shumë normale që presidenti apo ata që e kanë rekomandu me falë persona që vërtetë kanë bë vepër penale, por që janë pendu edhe janë pajtu mes familjeve, por me u falë dikush që e mbyte dikë me veturë prej kapadaillëku, kjo po me duket tejet e rëndë, plus që ne si familje nuk ua kemi falë, kjo duhet të merret parasysh”, ka shkruar ndër të tjera ai, njofton Telegrafi.

Postimi i plotë pa ndërhyrje

Reagim ne emer te familjes Bajrami ndaj faljes qe Presidenti i Kosoves i paska bere personit i cili ishte shkaktar i vdekjes se nipit tim 20 vjecar Butrint Bajrami.

Eshte shume normale qe presidenti apo ata qe e kane rekomandu me fale persona qe vertete kane be veper penale, por qe jane pendu edhe jane pajtu mes familjeve, por me u fale dikush qe e mbyte dike me veture prej kapajdalleku, kjo po me duket tejet e rende, plus qe ne si familje nuk ua kemi fale, kjo duhet te merret parasysh!

Prandaj po e shpreh kete indinjate ne emer te familjes sime, sepse rasti i sotem per neve eshte shume i rende, goditje shpirterore sikur ate dite kur e kemi varrose djalin 20 vjecar.

Kjo ndodh vetem ne Kosove! Zhgenjim total.

Drejtesia nuk arrihet keshtu me falje. Pse Presidenti fal kur familja nuk e fal? Nuk eshte Presidenti me shtu dhimbje. 6 muaj ia fal gje qe denimin e ben shperblim. Jeta e nipit nuk vlen asgje ne keto rrethana a? Qfare eshte denimi nese nuk duhet ta godas kryersin e vepres penale. Kjo falje nenkupton qe nuk eshte denuar fare. Pastaj jeta e re e shuar nuk paska pase asnje vlere.

Me mijera raste Presidenti zgjodhi te godas ku eshte ma e ndishme situata.

Thjesht SKANDAL

P.S thashe edhe nje here ky eshte shqetesim qe po e paraqese ne emer te familjes sime!