Anëtarja e kryesisë nga Lëvizja Vetëvendosje, Arbërie Nagavci, duke komentuar rezultatet zgjedhore ka thënë se nesër presin shpalljen e rezultateve përfundimtare.
Ajo në një intervistë për emisionin “Përballje ditore”, me gazetarin Muhamet Hajrullahu në Telegrafi.com, ka folur edhe për disa tema tjera si marrëveshjen finale ndërmjet LVV-së dhe LDK-së , formimin e Qeverisë së ardhshme, ndarjen e ministrive, Lista Serbe si pjesë apo jo e Qeverisë.
Nagavci ka thënë se ndonëse procesi zgjedhor është kryer me sukses duhet akoma të punohet në Ligjin për Zgjedhjet.
“Nesër do të shpallen rezultatet preliminare përfundimtare, sepse pas shpalljes së votave të secilit kandidat dhe të subjekteve, ka afat 24 orë për ankesa. Mendoj se ishte një proces shumë i mirë zgjedhor i monitoruar nga vëzhguesit vendor dhe ndërkombëtar. Por ky proces tregon se ka akoma për t’u bërë sidomos duhet të shtyhet përpara Ligji i Zgjedhjeve. Në legjislaturën e ardhshme LVV do të ketë 32 deputet”, ka theksuar ajo.
Lidhur me takimet e grupeve punuese të LVV-së dhe LDK-së, ajo theksoi se kanë pasur përafrime për dikastere të ndryshme, duke përmendur edhe deklaratat në rrjetet sociale të zyrtarëve të dy partive.
“Për ne janë më rëndësi diskutimet që diskutohen brenda grupeve. Jashtë bisedës së diskutimeve mund të ketë pasur deklarata të individëve të cilët nuk kanë quar peshë, dhe ishin qëndrime individuale që nuk kanë ndikuar në zhvillimin e bisedimeve. Bisedimet janë në fusha sektoriale si drejtësi, arsim, shëndetësi, ekonomi. Të enjten do të diskutohet për çështjet sociale, ndërsa ditëve në vazhdim do të diskutohet për çështjet që nuk ka pasur përafrime. Pajtueshmëria ka qenë kryesisht në çështje parimore, se si duhet të evitohen ndikimet partiake në institucione, agjenci, borde. Ka pasur pajtime për prioritetet në fushat specifike si çështjet e arsimit, mbështetje të mësimdhënësve, depolitizim të bordeve dhe agjencive. Pajtueshmëri ka edhe për numrin e ministrive, ku 12 do të jenë. Pra do të jenë 4 ministri që do të jenë më të mëdhatë ndërsa të tjerat mund të shkrihen”, ka thënë ajo.
Nagavci ka theksuar se brenda dy javësh presin të arrijnë marrëveshjen finale me LDK-në.
“Kemi pasur disa mospajtime sa i përket fushës së ekonomisë. Kjo pasi që ne jemi partie majtë, ata e djathtë, dhe janë disa çështje si privatizimi, ndërmarrjet publike ku presim pajtueshmëri. Ndërsa pas certifikimit, presim që brenda dy javëve të arrijmë marrëveshjen finale me LDK-në. Disponimi është i madh mjaft në takime, sidomos në takimin ku kam qenë unë ishte edhe vetë zoti Haziri, dhe na kanë mirëpritur në zyrat e LDK-së. Kemi folur në aspekt kryesisht sektorial dhe profesional. Kanë mbetur shumë pak tema që do të diskutohen ku ka hapësirë për të harmonizuar disa çështje të tjera”, ka thënë ajo.
Ndër të tjera Nagavci në këtë intervistë ka deklaruar se presin që sa më parë të përfundoj shpallja e rezultateve dhe t’i hapet rruga formimit të institucioneve për të ndaluar keqpërdorimin e buxhetit dhe të vendimeve tjera./Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
AGK-ja dënon intimidimin publik të deputetit Dimal Basha ndaj gazetares së RTK-së
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City