Aparati i parë digjital dhe shansi i humbur nga Kodak-u: Zbulimi që ndodhi… para kohe!
Në vitin 1975, Steven Sasson shpiku fotoaparatin e parë digjitale në botë, teksa punonte në kompaninë Eastman Kodak. Pajisja peshonte rreth 3.6 kilogramë dhe kishte rezolucion prej 0.01MP, shkruan Telegrafi.
Në videon e postuar më lartë, Steven shfaq pajisjen në fjalë, flet për mënyrën se si vepronte dhe për vështirësitë që ka hasur gjatë zbulimit.
David Freidman, i cili e bëri këtë video, thotë se fotografia e parë digjitale e bërë me këtë fotoaparat është e teknikut të quajtur Joy, e realizuar në dhjetor 1975. Por, fatkeqësisht, ky imazh nuk ekziston më.
Teksa kompania prestigjioze dhe inovatore në fushën e fotografisë, Kodak, nuk shihte potencial në të ardhmen e fotografisë digjitale, Steveni e mendonte të kundërtën. Por, nuk kishte mbështetje. Nuk duhet harruar se në kohën e zbulimit të tij nuk kishte celularë, as internet, shumica e televizorëve ishin bardhezi, ndërsa kompjuterët kishin madhësi të dhomave. Pra, njerëzimi nuk ishte i gatshëm për këtë zbulim të madh. Po ashtu, kompania Kodak që zotëronte 90 për qind të tregut të filmave fotografikë, e shihte teknologjinë digjitale si konkurrente të produktit kryesor të saj. Kështu, e la në harresë zbulimin e vet revolucionar. Më 2012, Kodak falimenton pikërisht për shkak të kësaj neglizhence.
Por, Steven e parashikonte evolucionin e digjitales. Megjithatë, thotë se besonte se njerëzit do të kenë nevojë për rezolucion prej vetëm 2MP – një standard qesharak sot, po jo për atë kohë.
Prototipi i fotoaparatit digjital Kodak është bërë nga pjesë të kamerave të filmave Super 8 të. Po ashtu u shtuan ca qarqe integrale, ndërsa për bardhezi u përdor sensori CCD. Imazhet kalonin nga sensori në memorien e përkohshme për 50 milisekonda. Nga atje duheshin edhe 23 sekonda për t’u regjistruar në një kasetë digjitale. Kaseta përmbante 30 imazhe. Ky numër me qëllim u zgjodh nga Steveni, si një mesatare e filmave me 24 dhe 36 “poza”. Atë kohë kasetat mund të regjistronin qindra ose mijëra imazhe, por njerëzit dikur nuk bënin shumë foto si sot, ndaj gjithçka u kufizua në 30. /Telegrafi/
Lufta Prigozhin - Putin
Më shumëJeta në komunizmin shqiptar
Fjalë të urta orientale: Mjeshtri i paaftë zihet me veglat e tij
Fadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Vdekja e Skënderbeut, sipas legjendave të popullit
Karnavalet, origjina dhe domethënia
Fjalimi i Skënderbeut!?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur