Zyrtare: Loftus-Cheek edhe për pesë vite te Chelsea

Ruben Loftus-Cheeek e ka rinovuar edhe zyrtarisht kontratë me Chelsean, duke nënshkruar deri në vitin 2024.

Mesfushori anglez që rrjedhë nga akademia e skuadrës londineze, ka treguar në sezonin e kaluar se është pjesë e rëndësishme e klubit, ndërsa tani është shpërblyer me kontratë të re.

23-vjeçari e mbylli sezonin e kaluar me një lëndim, derisa tani po rikuperohet e që pritet të jetë i gatshëm nga muaji tetor.

More good news…

✍️ @rubey_lcheek has signed a new long-term contract with the Blues! 🙌

— Chelsea FC (@ChelseaFC) July 6, 2019

Loftus-Cheek është shprehur shumë i lumtur me vazhdimin e kontratës, pasi në Stamford Bridge është që nga mosha tetë vjeçare.

“Jam me të vërtetë shumë i lumtur që do të qëndroj edhe për pesë vite këtu. Është një vend ku jam rritur duke luajtur dhe shpresoj që të qëndroj këtu edhe për shumë gjatë”, ka thënë ai fillimisht.

“Si një tetë apo nëntë vjeçar, ju asnjëherë nuk e mendoni se do të rrini kaq gjatë, pasi dëshironi të luani dhe ta shijoni futbollin me shokët”.

Lexo po ashtu Të gjitha lajmet nga Chelsea

“Kur shikoj mbrapa dhe shikoj se puna e vështirë është paguar, është një ndjenjë e veçantë. Kjo më bënë që të punoj edhe më shumë”, ka thënë më tej mesfushori.

Loftus-Cheek pritet që në sezonin e ri të jetë një lojtar edhe më kyç për Chelsean, pasi Frank Lampard tashmë është zyrtarizuar si trajner dhe e njeh atë shumë mirë. /Telegrafi/