Bllokohen blerjet te Real Madridi – nuk do të ketë afrime, duhet të shiten disa nga yjet

Real Madridi kanë nënshkruar tashmë me Eden Hazard, Luka Jovic, Ferland Mendy, Eder Militao dhe Rodrygo Goes, që të gjithë të prezantuar.

Megjithatë, klubi tani duhet të bëjnë disa shitje, pasi aktualisht kanë 36 lojtarë në skuadër e ekipit të parë.

Marcos Llorente tashmë është larguar, duke nënshkruar me Atletico Madridin për 40 milionë euro dhe të tjerët së shpejti do ta ndjekin rrugën e tij.

Po flasim për 10 largime të tjera dhe blerja e lojtarëve është e ndaluar derisa të bëhen shitjet e tyre, në korrik apo gusht.

James Rodriguez , Raul de Tomas dhe Mateo Kovacic kanë gjasë të jenë lojtarët e parë që do të largohen.

Lexo po ashtu Të gjitha lajmet nga Real Madrid

Drejtorët e Real Madridit shpresojnë të marrin 120 milionë euro na kjo treshe. 40 milionë euro për Jamesin, 25 milionë euro për De Tomasin dhe 55 milionë euro për Kovacicin.

Martin Odegaard do të kalojë në Bayer Leverkusen, ndërsa Napoli ka shfaqur interesim për Theo Hernandez .

Isco është një tjetër emër që mund të largohet, ndërsa atij i shtohen edhe emrat e Dani Ceballos dhe Lucas Vazquez .

Nacho, ka marrë një telefonatë nga Interi, edhe pse ende nuk është vendosur nëse ai do të qëndrojë apo të larohej.

Shitja e komplikuar është ajo e Gareth Bale. Bayern Munich ka refuzuar mundësinë që të nënshkruajnë me të .

Mbetet të shihet se cilët do të largohen të parë, për të tentuar pastaj një mesfushor të nivelit botëror. /Telegrafi/