Këngëtarë, aktorë e futbollistë shqiptarë emocionohen nga vizita e Clinton dhe Albright në Kosovë, urojnë 20 vjet liri

Me rastin e 20 vjetorit të hyrjes së trupave të NATO-s në Kosovë, është organizuar ceremoni mikpritëse për ish-presidentin amerikan, Bill Clinton, dhe ish-Sekretaren Amerikane të Shtetit, Madeline Albright, të cilët këto ditë po qëndrojnë në Kosovë.

Ceremonia e organizuar në Sheshin “Skënderbeu” në Prishtinë ka mbledhur krerët më të lartë politik të shtetit, dhe mijëra qytetarë të cilët kanë parë nga afër vizitën e aleatëve tanë amerikanë.

Lexo po ashtu Përfundon ceremonia zyrtare për shënimin e 20 vjetorit të hyrjes së trupave të NATO-s në Kosovë (Foto/Video)

Të emocionuar për këtë vizitë dhe ceremoni duket se kanë ngelur edhe shumë figura publike, të cilët kanë shfrytëzuar rastin për të falënderuar Clinton dhe Albright për vizitën, teksa kanë uruar fansat e tyre përmes rrjeteve sociale për 20 vitet liri që Kosova i shijon.

Telegrafi në vazhdim ju sjellim disa prej tyre:

Capital T

https://www.instagram.com/p/BymwxvRBFP6/

Reperi i njohur shqiptar, Capital T publikoi në rrjetin social Instagram një fotografi të dy ushtareve femra të Ushtrisë Çlirimtare të Kosovës.

“Urime 20 vjet liri Kosovë”, ka shkruar reperi në mbishkrimin e kësaj fotografie.

Blero

https://www.instagram.com/p/Bymy96Gnxy9/

Këngëtari i njohur, Blero Muharremi, gjithashtu nuk e harroi këtë ditë. Ai zgjodhi që në rrjetin social Instagram të publikojë për fansat disa fotografi nga lufta.

“Festo por kurrë mos harro. Faleminderit NATO”, ishte ajo që shkruajti në mbishkrimin e këtyre fotografive.

Leonora Jakupi

Ajo e cila e i ka kënduar luftës me këngën më të famshme të karrierës së saj, “A vritet pafajësia”, Leonora Jakupi, publikoi një fotografi të fjalimit që Madeline Albright mbajti në sheshin “Skënderbeu” në Prishtinë.

“Zot faleminderit që po i presim këto ditë”, ka shkruar Jakupi, e cila njëherësh është më emocionale në manifestime të tilla, duke qenë vajzë e një dëshmori të rënë gjatë luftës.

Lorik Cana

ISh-kapiteni i Kombëtares Shqiptare, Lorik Cana, ka ngelur gjithashtu i emocionuar nga vizita e Clinton dhe Albright në Kosovë. Ai zgjodhi që në InstaStory të ndajë me fansat një fotografi nga ndërhyrje trupave të NATO-s gjatë luftës së fundit në Kosovë.

“12.06.1999”, ka shkruar ai në mbishkrimin e kësaj fotografie, duke kujtuar datën më të rëndësishme të popullit kosovar, atë të çlirimit.

Ramë Lahaj

Tenori shqiptar me famë botërore, Ramë Lahaj, ka rishpërndarë fotografinë krahasuese të vizitës së parë të Bill Clintonit në Kosovë, me atë që ai realizoi me të mbërrirë në Prishtinë gjatë vizitës së tij të dytë.

“Heroi jonë Bill Clinton”, ka shkruar Ramë Lahaj, i lumtur për vizitën e ish-presidentit amerikan në Kosovë.

Labinot Tahiri

Këngëtari dhe deputeti i njohur Labinot Tahiri, ka publikuar në InstaStory fotografinë e mirëseardhjes të Clinton dhe Albright në Kosobvë.
“Publik i dashur e familje, shqiptarë të dashur t’i nderojmë me daljen tonë në shesh”, kishte shkruar Labi, duke bërë kështu thirrje për daljen në sheshin “Skënderbeu”.

Naser Rafuna

Aktori Naser Rafuna publikoi fotografinë e vizitës më të fundit të Bill Clintonit në Kosovë.

“Një njeri me një emër: Zotëri”, shkruajti ai në mbishkrimin e këtij imazhi, duke treguar respektin e tij maksimal ndaj presidentit të 42-të të ShBA-së.

Adelina Emini

Këngëtarja dhe ekonomistja e njohur, Adelina Emini, zgjodhi të publikojë një fotografi të realizuar në Shtete e Bashkuara tërikës, për të shprehur mirënjohjen e saj ndaj shteti aleat.

“Zoti e bekoftë Amerikën”, shkroi Emini në këtë fotografi.

Agnesa Vuthaj

Edhe modelja e njohur bukuroshe Agnesa Vuthaj, duket të ketë qenë e emocionuar me vizitën e ish-presidentit amerikan dhe ish-sekretaren amerikane të shtetit.

Ajo në InsatStory ndau me ndjekësit imazhin që krahason dy vizitat e Clintonit në Kosovë – atë të vitit 1999 me të tanishmen, në 2019-tën. /Telegrafi/