Prishtina publikon statistikat, Llapi pa asnjë pikë dhe vetëm për ‘turizëm’ në kryeqytet

Klubi nga kryeqyteti, Prishtina ka publikuar statistikat e ndeshjeve me rivalin e kësaj jave, Llapin.

Bardhekaltrit janë nikoqir të llapjanëve në ndeshjen derbi të vlefshme për javën e 31-të në Ipko Superligën e Kosovës në futboll.

Kjo ndeshje është jetike për të dyja skuadrat, pasi kanë pikë të barabarta në pozitën dy dhe tre, rrjedhimisht janë në garën për titull.

Lexo po ashtu Batatina: Unë i kam mposhtur dy skuadra që kishin premia për të më ndalur, nuk do t’i japim Dritës premia për ndeshjen me Feronikelin

Stadiumi “Fadil Vokrri” do të jetë vendi ku do të përballen dy titanët e Superligës të shtunën pasdite.

Për Prishtinën ndeshjet si vendas ndaj Llapit janë ‘si stërvitje’, ndërsa jo edhe për llapjanët që nuk kanë fituar asnjë pikë në kryeqytet.

Lexo po ashtu Batatina: Nëse bëhemi kampion, bëhemi pa ndihmën e askujt dhe me meritë

Është vet klubi bardhekaltër që ka publikuar statistikat në faqen e tyre zyrtare të klubit, ku ka shkruar: “Llapi asnjë pikë në Prishtinë”.

Sipas statistikave të publikuara nga Prishtina, ‘Plisat’ kanë fituar tetë ndeshje në kryeqytet nga po aq të luajtura, ku nga to shtatë janë kampionale.

Megjithatë, Llapi ka arritur të fitojë një herë në Kastriot kur Prishtina ka qenë vendas, ndërsa dy fitore i ka edhe në Podujevë. /Telegrafi/