Presidenti Hashim Thaçi, me rastin e 5 majit – Ditës së Dëshmorëve, ka bërë homazhe te Pllaka Përkujtimore për Dëshmorët e Pejës dhe te shtatorja e Shkëlzen Hardinajt, si dhe ka marrë pjesë në Tubimin Përkujtimor në nderim të 183 dëshmorëve të Komunës së Pejës.
Thaçi ka thënë se si bartës të institucioneve të Republikës së Kosovës po nderojnë dhe respektojnë këtë ditë të rëndësishme dhe historike për kombin, “Ditën e Dëshmorëve”.
“Edhe pse kaluan 20 vite, çdo ditë e më tepër shihet se vlera e Ushtrisë Çlirimtare të Kosovës është një vlerë e paprekshme, një vlerë që bashkon qytetarët pa dallim partie, ideologjie apo lokaliteti. Është vlera më sublime dhe e shenjtë e kombit tonë, shtetit tonë. Është një vlerë që e fuqizon çdo ditë e më tepër shtetin tonë”, ka thënë presidenti Thaçi.
Kreu i shtetit u ka thënë familjeve dhe fëmijëve të dëshmorëve se duhet të ndjehen krenarë me familjarët dhe prindërit e tyre, ashtu sikurse ne që ndjehemi me bashkëluftëtarët tanë që dhanë gjithçka që Kosova të jetë e lirë, të jetë e pavarur dhe të lëvizë gradualisht drejt anëtarësimit në NATO dhe Bashkim Evropian.
“Jam i bindur se shteti ynë është në rrugë të drejtë. Ka vështirësi, ka pengesa, por jemi duke bërë punën më të mirë të mundshme. Prandaj, një gjë e di dhe jam i sigurt që do të ketë vetëm ditë më të mira dhe progres për shtetin e Kosovës në të gjitha rrafshet edhe në konsolidimin e vendit, edhe të afirmimit ndërkombëtar”, ka shtuar ai.
Presidenti ka theksuar se gjithmonë duhet të kujtojmë me krenari luftën që e kemi zhvilluar dhe çdo herë kur respektojmë ato vlera vetëm sa do të forcohemi edhe si shoqëri, edhe si shtet.
“Kujtojmë sot në të njëjtën kohë edhe gjenocidin që shteti i Serbisë ka kryer në Kosovë, që ka vrarë 13.500 civilë, ka kryer rreth 400 masakra anekënd Kosovës, rreth 20.000 dhunime kundër grave shqiptare, e që drejtësia ndërkombëtare ende nuk e ka thënë fjalën e vet dhe kemi të bëjmë me zero drejtësi”, ka pohuar presidenti Thaçi.
I pari i vendit ka thënë se angazhimi i fundit i Kongresit Amerikan, i mikut të madh të kombit tonë Eliot Engel, është një kontribut dhe angazhim i jashtëzakonshëm dhe historik për të vërtetën, për atë që ka ndodhur në Kosovë.
“Fjalët e kongresistit Engel dhe të gjithë të pranishmëve ishin edhe një stimulim i madh për ne të gjithë që të vazhdojmë të kërkojmë drejtësi, të punojmë edhe më tepër për drejtësi”, ka theksuar ai.
Thaçi ka thënë se beson që Parlamenti i Kosovës në të ardhmen e afërt do ta nxjerrë edhe rezolutën për gjenocidin e Serbisë në Kosovë dhe të gjithë kryerësit e atyre krimeve do të ballafaqohen me drejtësinë.
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe