Interi dhe Arsenali i bashkohen garës për Andre Gomesin

Arsenali dhe Interi janë bashkuar në garën për të nënshkruar këtë verë me mesfushorin nën pronësi të Barcelonës, Andre Gomes.

Everton – ku mesfushori aktualisht po luan, ka paguar një tarifë prej 2.5 milionë eurosh për huazimin e portugezit, por nuk mendohet se do ushtrojnë mundësinë për të nënshkruar përgjithmonë me mesfushorin.

Më parë këtë muaj, The Daily Telegraph raportoi se Tottenham Hotspur është i gatshëm të paguajë 35 milionë euro për të transferuar Gomesin, me kryetarin Daniel Levy duke miratuar këtë veprim.

Lexo po ashtu Barcelona kërkon të përfitojë 40 milionë euro nga Gomes e Suarez

Gomes nuk pritet të kthehet në Camp Nou këtë verë dhe klubi nga Londra e Veriut janë potencialisht duke u përgatitur për mundësinë e largimit të Christian Eriksen.

Raporti tregon se Everton nuk ka gjasa të jetë në gjendje të përputhet me kërkesat financiare të rivalëve të tyre, por me Barçën që dëshiron një shitje, marrëveshja mund të jetë ende e realizueshme për klubin nga Merseyside.

Sipas gazetës katalunase Mundo Deportivo, tani garës i janë shtuar edhe Arsenali dhe Interi që duan shërbimet e Gomesit.

Gomes u bashkua me Barcelonën nga Valencia në 2016 në një marrëveshje me vlerë deri në 55 milionë euro, por nuk arriti të lë gjurmë te gjigantët katalunas. /Telegrafi/