SHBA-ja dhe Kina mbajnë takimin e tetë mbi tregtinë e lirë

Ka përfunduar raundi i tetë i konsultimeve dyditore ekonomiko-tregtare të nivelit të lartë ndërmjet Shteteve të Bashkuara të Amerikës dhe Kinës. Ky raund është bashkëdrejtuar nga përfaqësuesi amerikan i Tregtisë, Robert Lighthizer dhe sekretari amerikan i Thesarit, Steven Mnuchin dhe zëvendëskryeministri kinez, Liu He.

Sipas njoftimit, dy palët diskutuan për përmbajtjet e marrëveshjes dhe arritën përparim të ri, përcjell Telegrafi.

Gjatë katër muajve të fundit, konsultimet e nivelit të lartë ekonomiko-tregtar midis SHBA-së dhe Kinës u zhvilluan për katër raunde dhe tani kanë hyrë në momentin më kyç. Ku në raundin e kaluar, dy palët zhvilluan bisedime rreth tekstit të marrëveshjes dhe arritën përparime të rëndësishme për shumë probleme konkrete, si transferimi i teknologjive, mbrojtja e të drejtave të pronësisë intelektuale, barrierat jotarifore, degën e shërbimeve, bujqësinë, kursin e këmbimit valutor, etj. Ndërsa, në këtë raund, palët vijuan diskutimet për përmbajtjet e marrëveshjes dhe patën progres të ri.

Sipas të dhënave të publikuara më 27 mars nga sekretari amerikan i Tregtisë, në muajin janar 2019, SHBA-ja pati rritje prej 0.9 për qind në eksporte, por vëllimi i eksportit ndaj Kinës u ul në 7.1 miliardë dollarë amerikan, që është niveli më i ulët ky pas vitit 2010. Ndërkohë, nga të dhënat e palës kineze del se në dy muajt e parë të këtij viti kishte rënie të importit dhe eksportit me 20 për qind.

Si pasojë e tensionit të vazhdueshëm tregtar ndërmjet SHBA-së dhe Kinës, Organizata e Zhvillimit dhe e Bashkëpunimit Ekonomik, ka ulur parashikimin e rritjes botërore nga 3.5 për qind në 3.3 për qind.

Duket qartë se shtimi tarifor mes dy palëve ka dëmtuar gjithnjë e më shumë dy vendet si dhe ekonominë botërore. /Telegrafi/