Edhe pse Ligji për Trepçën është miratuar tash e gati tri vjet, kurse statuti i saj është miratuar në Kuvendin e Kosovës muaj më parë, Beogradi zyrtar po bëhet pengesë për regjistrimin e aseteve të Trepçës si ndërmarrje publike.
Kryeministri Ramush Haradinaj i bën thirrje minatorëve të Trepçës nga komuniteti serb që mos të bien pre e Beogradit zyrtar.
Haradinaj thotë se regjistrimi i Ndërmarrjes Trepça është çështje ditësh.
“Statuti është i aprovuar, tash është pjesa administrative, është në proces, mund të ndodhë në dy tre ditët ose edhe javë. Pra, ajo që është risi, diçka e re dhe që është diçka e merituar. Minatorët më nuk janë veç punëtorë, por janë edhe pronar të Trepçës. 20 përqind të aksioneve të përgjithshme të Trepçës janë të minatorëve, të shqiptarëve, por edhe të serbëve në veri. I bëjë thirrje minatorëve të përkatësisë etnike serb të Kosovës, ta fitojnë të drejtën ligjore dhe të mos bien në ndikimin e Beogradit lidhur me statusin e tyre si aksionar”, ka thënë Haradinaj për KP.
Ndonëse, autoritet e Kosovës kanë rezervuar tri vende në bordin e Trepçës për komunitetin serb, udhëheqësit e këtij gjigandi në veri të Mitrovicës refuzojnë t’i japin përgjegjësi bordit të Trepçës.
Ministri i Zhvillimit Ekonomik, Valdrin Lluka ka thënë se inkuadrimi i minoritetit serb në bordin e Trepçës, është paraparë për shkak të rëndësisë së Trepçës në veri të Mitrovicës.
“Është një vendim që parlamenti i Kosovës e ka marrë edhe me ligj, edhe me statut dhe tani edhe regjistrimi i aseteve që do të bëhet, parasheh inkuadrimin e minoritetit serb në bordin e Trepçës, ku tre vende nga nëntë sa janë paraparë për serbët për shkak të rëndësisë që ka pjesa biznesore në veri”, ka thënë ministri Lluka.
Mos regjistrimi i ndërmarrjes Trepça, për ministrin e MZHE, Valdrin Lluka nuk e ka dëmtuar imazhin e ndërmarrjes, ndërkaq thotë se ka interesim prej investitorëve të huaj.
“Ka një imazh të mirë sepse dihet për vlerën e resurse që gjenden në Trepçë. Kështu që interesim ka, i kemi pasur deri më tani katër kompani që kanë ardhur për vizitë kryesisht nga Kandaja, të cilët kanë shprehur interesim. Ka edhe kompani të tjera nga Turqia, tash isha në diskutim edhe me disa kompani nga Shtetet e Bashkuara. Prandaj, tërheqja e investitorëve nëse bëhet me një proces të mirë dhe transparent dhe të besueshëm nuk do të jetë problem për Trepçën”, theksoi ai.
Ndërsa, profesori universitar Muhamet Sadiku thotë se resurset e Trepçës janë pjesë përbërëse e resurseve të Kosovës, andaj, nëse cenohen resurset në pjesën veriore kjo do të tregon se mund të cenohet edhe integriteti territorial.
Profesori Sadiku thotë se nuk ka vend për të lëshuar pe në këtë drejtim, sepse Trepça duhet të jetë brenda tërësisë ekonomike të Kosovës.
“Statuti është një drejtim i mirë për rregullimin juridik të shumë çështjeve, por le të presim se si do të zbatohet ky statut. Ideja kryesore e statutit është se Trepça duhet të jetë një tërësi ekonomike, teknologjike, metalurgjike, prodhuese dhe eksportuese. Çdo largim nga ky koncept është shumë i pa pranueshëm”, thota ai.
Ndërsa, kryesuesi i Bordit të Trepçës, Ardian Syla nuk është përgjigjur për problemet e regjistrimit të ndërmarrjes Trepça./kp/Telegrafi/
Foto nga arkivi
Lufta Prigozhin - Putin
Më shumëN’BAU krejt i gjen me zbritje këtë javë!
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
Kurti prezanton planin e reformave për zhvillimin socio-ekonomik të Kosovës, përfshihen pesë fusha kryesore
Kosova arrin vlerësimin e parë kreditor sovran, konsiderohet si pasaportë për vendin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit