Pronari i kompanisë “Elkos Group”, Ramiz Kelmendi, në një intervistë në Emisionin “EKONOMI” në Telegrafi.com me gazetarin Lulzim Ahmeti ka folur për pengesat që i janë bërë në tentimin e tij, për të investuar në Tiranë.
Ai kanë planifikuar ndërtimin e një Qendre Tregtare “ETC” në Tiranë me një investim deri në 12 milionë euro, si dhe punësimin e mbi 250 personave.
Kelmendi ka thënë se pasi kanë blerë një parcelë, pengesat që u kanë dalë nga Bashkia e Tiranës dhe Kryebashkiaku Erion Veliaj, janë të pakuptimta.
Ai ka treguar se edhe pse ka kërkuar takim me Veliajn, ai nuk ka pranuar të takohet me të, pa intervenimin e të njohurve të tjerë në Tiranë.
“Kam kërkuar takim me Erion Veliajn dhe nuk më ka pranuar në takim pa intervenim të miqve të tjerë tërthorazi. E pyeta sinqerisht se a ka ndonjë pengesë që të kryhet transaksioni, a ka pengesë në dhënien e lejes apo mos ka interes që Bashkia të investojë aty. Shërbimi teknik i kryetarit të Bashkësisë na ka sjellë një dokumentacion ku është parë projekti i ndërtimit të terminalit që ka qenë i rrumbullakuar si projekt, si dhe pjesa e hapësirës tonë ka qenë e lirë pa asnjë shënim”, ka rrëfyer biznesmeni Ramiz Kelmendi.
Sipas tij, edhe pagesa e lejes për ndërtim të kësaj qendre ka qenë tepër e madhe.
“Pas plotësimit të dokumenteve ka ardhur dokumenti që ne e quajmë leja e ndërtimit dhe në fund ka ardhur miratimi nga kryetari i Bashkisë, Erion Veliaj. Kjo procedurë ka përfunduar dhe pas kësaj vjen pagesa, jepet dokumenti për të paguar obligimet që janë paguar në vlerën prej 1.25 milion euro, vetëm për leje të ndërtimit. Pra kjo është një leje e ndërtimit jashtëzakonisht e madhe, nuk është pritur të jetë kaq, pasi është klasifikuar si objekt për t’u shitur, e jo objekt për ta kryer funksionin vital të kompanisë, pra nga 400-500 mijë euro që është paraparë, ka dalë në 1.25 milion euro”, deklaroi Kelmendi.
Sipas Kelmendit, pas kësaj, Bashkia e Tiranës ka pasur obligim ligjor që në një afat prej pesë ditësh ta lëshojë një letër që quhet formular i lejes së ndërtimit dhe të fillojë ndërtimi, por ky nënshkrim nuk ka ardhur.
“I kanë ftuar kolegët në takim dhe së pari kanë kërkuar që ne t’ia bëjmë një dhuratë Bashkisë në vlerë prej 1 milion eurove të tokës për interesa të përmbylljes së terminalit. Unë kam pranuar që t’ia fali një pjesë, për hir të përshpejtimit të procesit, pasi që paska mbetur Bashkia në faljen e saj dhe pas kësaj ka ardhur një kërkesë tjetër përmes së cilës është kërkuar ofrimi/falja e 15 mijë metra katrorë tokë, në vlerë prej 4 milionë euro”, ka thënë Kelmendi.
Biznesmeni Kelmendi ka rrëfyer se investimi në qendrat tregtare ETC në Tiranë do të ishte në vlerë milionëshe dhe do të punësonte shumë persona.
“Investimi është dashur të jetë 12 milionë euro dhe një punësim do të ishte mbi 250 vetë. Ka qenë një objekt jashtëzakonisht funksional që e përfshinte një zonë të pambuluar për tregti dhe kishte një formë dhe një pamje të jashtëzakonshme që ishte pjesë e ambientit dhe që i përgjigjet qytetit të Tiranës”, ka thënë Ramiz Kelmendi, pronar i kompanisë Elkos Group. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shefja e USAID: Vlerësimi i Kosovës nga FITCH tërheqë investime të huaja
Franca është magnet për investitorët e huaj – cilat reforma i bëri për t’i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Bëhu banor i kryeveprës së Prizrenit - Grand Residence
Policia me apel për qytetarët: Kujdes nga mashtrimi përmes investimeve të dyshuara online
Video Editing Course
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'