Presidenti i Republikës së Kosovës, Hashim Thaçi ka thënë të martën se përkrahësi tradicional i Serbisë, Rusia kishte premtuar të mbështeste pajtimin përfundimtar midis Beogradit dhe Prishtinës, duke hequr një pengesë të mundshme në bisedimet e zvarritura.
Sipas mediumit francez “France24”, përcjell Telegrafi, presidenti Hashim Thaçi tha se ai foli me homologun e tij rus Vladimir Putin në nëntor, në takimin e parë ndonjëherë midis të dy palëve, derisa merrnin pjesë në përkujtimet e njëqindvjeçarit të përfundimit të Luftës së Parë Botërore.
“E pyeta shumë drejtpërdrejt – cili do të ishte reagimi i Rusisë nëse Kosova dhe Serbia do të arrijnë një marrëveshje? Përgjigja e tij ishte se ai do ta mbështesë atë”, tha Thaçi në Këshillin për Marrëdhëniet me Jashtë në Uashington.
“Përgjigja e tij ishte se ne nuk mund të jemi më serbë sesa serbët. Nuk mund të them se jam impresionuar, por do të mirëprisja nëse do ta mbajë fjalën e tij”, tha ai.
Mediumi në fjalë rikujton se Rusia gëzon veto në Këshillin e Sigurimit të OKB-së dhe ka lidhje të forta kulturore dhe politike me Serbinë, e cila ka bërë fushatë për ta mbajtur Kosovën jashtë Kombeve të Bashkuara dhe organizatave të tjera ndërkombëtare që nga shpallja e pavarësisë në vitin 2008.
Gjithashtu shkruan ky medium, Kosova, popullata e së cilës është kryesisht shqiptare etnike, shpalli pavarësinë pas një lufte të përgjakshme dhe bombardimeve nga NATO, e cila vazhdon të jetë një forcë paqeruajtëse në Kosovë.
“Bisedimet e drejtuara nga BE për pajtimin kanë bërë pak përparim. Presidenti i SHBA Donald Trump kohët e fundit shkroi një letër që ofronte ndihmë amerikane për të ndërmjetësuar një marrëveshje”.
“Por Thaçi gjithashtu përballet me opozitën në shtëpi, me kryeministrin Ramush Haradinaj duke hedhur poshtë idenë e presidentit për shkëmbimet e territorit me Serbinë”, shkruan tutje France24.
Mediumi francez thekson edhe se në Uashington, Thaçi tha se këmbimet e tokës do të ishin “pjesë e një marrëveshjeje më të gjerë paqeje” dhe këmbënguli se: “Nuk do të ketë kufij të bazuar në linjat etnike”.
“Jam i bindur se kjo do të mbyllë njëherë e përgjithmonë luftën midis Kosovës dhe Serbisë dhe do të hapë një rrugë të sigurt për anëtarësim në NATO dhe BE”, për të dy vendet, tha ai.
Ai vuri në dukje zgjidhjen e fundit të mosmarrëveshjes së vjetër të emrit midis Greqisë dhe Maqedonisë, që ranë dakord të riemërtonin Republikën e Maqedonisë së Veriut, si një shenjë se grindjet e thella mund të përfundojnë. /Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City