Kryetari i Nismës Socialdemokrate, Fatmir Limaj ka thënë se Nisma nuk pranon të dialogojë me Serbinë jashtë asaj çka parasheh Kushtetuta e Kosovës.
Ai tha se do të shkojnë të bisedojnë por sipas tij, me asnjë çmim kjo parti nuk ulët në tavolinë të bisedimeve për të dëmtuar shtetin e Kosovës.
Nga Malisheva, Fatmi Limaj u ka bërë thirrje partive politike në Kosovë të mbajnë përgjegjësi.
“Ne nuk pranojmë dhe nuk diskutojmë jashtë asaj që parasheh Kushtetuta e Kosovës. Në tavolinën ku është Nisma nuk bisedohet asgjë tjetër përveç këtyre temave; fuqizimit të shtetit të Kosovës, njohjen në OKB, njohje nga pesë vende, por kemi kërkesa edhe për Bashkimin Evropian. …. Do të shkojmë të bisedojmë, gjithmonë për interesin e vendit tonë, asnjëherë në asnjë rrethanë, dhe me asnjë çmim, nuk ka tavolinë të bisedimeve që Nisma ulet për ta dëmtuar Republikën e Kosovës dhe shtetin e Kosovës. Shkojmë për ta fuqizuar dhe për t’i hap perspektivë vendit tonë. I bëjmë apel forcave politike që kanë marrë pëlqimin e vendit tonë mos t’i kthejnë shpinën përgjegjësive, lehtë është me ulë kokën me u bë që s’po shoh e me u bë që s’po di çka po ndodhë, por ashtu vendi nuk ecë”, ka thënë Limaj.
Ai tha se nuk do ta përdorin dialogun si temë për përçarje politike dhe dobësim të shtetit, por atë e shohin si mundësi për t’i bashkuar forcat politike dhe për ta fuqizuar shtetin.
Limaj shtoi se liberalizimi i vizave dhe anëtarësimi në Interpol janë sfidat e ardhshme që e presin Kosovën, meqë siç tha ai, sfida e ushtrisë përfundoi.
E për çështjen e ushtrisë, Limaj përmendi kontributin e Nismës në qeveri.
“Nuk ka përjashtu opozitën por ia ka zgjat dorën vazhdimisht dhe duke qenë në qeveri ka ndërtu komunikim dhe bashkëpunim me forcat politike. ….1 vjet qeveri kemi zgjidh probleme, e kemi zgjidh problemin e demarkacionit që e ka mbajt 3 vite vendin, 1 vjet qeveri, që ka mujt me u bo para 4 viteve ne e kemi arritur me ia ofru sot Kosovë me pas ushtrinë, dhe urime ushtria e Kosovës. Asnjë gjë nuk kemi bërë me ligjin për ushtri, vetëm nuk kanë ditë qysh me e ba, para 3 vite u kemi thënë shkoni kështu votohet ligji, nëse shkoni në këtë rrugë keni me dështu, nuk kanë deshtë me ngu kanë dështu”, tha ai.
Para strukturave të partisë së degës së Malishevës, Rahovecit e Suharekës, Limaj kërkoi që të bashkohen sepse sipas tij veç në këtë mënyrë arrijnë objektivat që i kanë caktuar.
Në tubim mori pjesë edhe kryetari i Këshillit Kombëtar të Nismës Socialdemokrate, Jakup Krasniqi.
Ai kërkoi nga bashkë-partiakët që mos të ndërprenë debatin asnjëherë.
“Debati në kuadër të strukturave të Nismës Socialdemokrate mund të jetë edhe i ashpër ndonjëherë, por duhet ta dimë se debatet gjithë janë të ashpra dhe duhet të jenë të ashpra. Pa debate shoqëria që nuk ka mundur të ecë përpara, debati nuk duhet ta ketë qëllim konfrontimin, por duhet ta ketë qëllim arritjen e unitetit për të qenë të lirë, të drejtë dhe solidar edhe mbi njëri-tjetrin, nëse nuk jemi solidar me njëri tjetrin nuk do të mund të jemi as me ata që janë jashtë sallës. Ne duhet t’i flasim haptas njëri-tjetri, ne tani e kemi këtë fuqi politike që e kemi, dhe për këtë fuqi që e kemi jemi të obliguar t’i falënderojmë strukturat drejtuese”, tha ai.
Ai kërkoi që të mbrohet liria, drejtësia dhe të ruhet solidariteti mes njerëzve.
Nga Malisheva, kreu i Nismës tha se prej sa jenë pjesë e qeverisë kanë prek kërkesat dhe nevojat e njerëzve dhe kanë sjellë një qasje të re të konceptit politik në qeveri dhe parlament.
Promo
Reklamo këtuLufta Prigozhin - Putin
Më shumëKurti: Kushtëzimi i anëtarësimit në KiE me Asociacionin është absurd
Flet neuropsikiatri që trajtoi nënën që dyshohet se u vetëvra duke u hedhur në lumin Buna me tre fëmijët
Gjashtë të lënduar nga aksidenti në Prishtinë, fotografi nga vendi i ngjarjes
Një person në gjendje të rëndë nga aksidenti në Prishtinë
Deputeti gjerman: Ndërlidhja e Asociacionit me anëtarësimin e Kosovës në KiE do të ishte gabim i rëndë, shtetet perëndimore nuk mësuan nga gabimet e së kaluarës
Stërvitja e Batalionit të Forcave Speciale, njësia elitë e Ushtrisë së Shqipërisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?