Çfarë mësuam prej ndeshjeve të para të Serie A: Ronaldos i duhet kohë te Juve, Sassuolo i pakalueshëm për Interin, Roma i falet Dzekos

Serie A është rikthyer me ndeshjet e para kampionale, ku vetëm dy ndeshje nuk u luajtën shkaku i tragjedisë në qytetin e Xhenoas, ku humbën jetën dhjetëra persona si pasoj e shembjes së një ure.

Cristiano Ronaldo debutoi me fitore te Juventusi, Roma i falet golit të vonshëm të Edin Dzekos në triumfin ndaj Torinos.

Prej ekipeve të mëdha italiane zhgënjeu vetëm Interi, i cili pësoi humbje në takimin e parë kampional.

Ja se çfarë kemi mësuar në javën e 1 të Serie A.

Ronaldo do t’i duhet kohë të ambientohet te Juventusi

As Cristiano Ronaldo as Juventusi nuk luajtën keq kundër Chievos, por është e qartë se gjetja e bilancit perfekt do të marrë pak kohë.

Portugezi filloi të luajë si qendër sulmues në formacionin 4-2-3-1, ku ndihmohej nga Paulo Dybala, Douglas Costa dhe Juan Cuadrado.

Në letër dukej një ekip shkatërrues, por në fushë Zonja e Vjetër nuk tregoi superioritet, sidomos me argjentinasin që po lufton për rikthyer formën.

Mario Mandzukiç mbeti në stol, por pas inkuadrimit në lojë u dëshmua se mund të jetë partner në sulm së bashku me Ronaldon.

Trajneri Max Allegri është i mirënjohur për të bërë rregullime taktike gjatë sezonit dhe besohet se këtë do të bëjë që nga ndeshja e radhës.

Interi ende nuk po mund ta mposht Sassuolon

Të dielën mbrëma u përsërit historia si në katër rastet e fundit, Domenico Berardi i shkaktoi humbjen e katërt rresht Interit në ballafaqimet e tyre.

Sassuolo kanë shënuar fitore në katër ndeshjet e fundit kundër Nerazzurrëve në të gjitha garat dhe shtatë nga tetë takimet e fundit.

Inter ka nevojë të gjej balancin pas sjelljes së përforcimet të reja, ku Lautaro Martinez nuk përmbushi pritshmëritë.

Zikaltërit kanë nevojë urgjentisht të ndryshojnë mesfushën në mënyrë që të jenë më kreativ në fazën e sulmit.

Dzeko është ende njeriu kryesor i Romës

Shumë shpesh klubi kryeqytetas u mbështet te golat e Edin Dzekos dhe takimi i së dielës e dëshmoi një gjë të tillë kundër Torinos.

U desh një super gol i boshnjakut që romakët të rrëmbenin tre pikët e para në kampionatin e ri italian.

Megjithatë, ishte nënshkrimi i verës Justin Kluivert, i cili figura më e ndritshme e skuadrës së Romës.

Nëse holandezit dhe përforcimeve të tjera u jepet kohë, mund të marrin edhe barrën e golave nga numri 9 i Giallorossit, por tani për tani Dzeko mbetet njeriu kryesor. /Telegrafi/