Real Madridi përgatit 56 milionë euro për Trippier

Mbrojtësi anglez, Kieran Trippier, ka përfunduar në radarin e gjigantit spanjoll, Real Madrid.

Mbretërit janë duke shikuar mundësinë e përforcimit të skuadrës në afatin kalimtar në të gjitha repartet.

Njëri nga ta është edhe krahu i djathtë i mbrojtjes, edhe pse para disa javësh klubit mbretëror transferoi Alvaro Odriozlan.

Lexo po ashtu Zyrtare: Reali bën goditjen e madhe, nënshkruan Odriozola

Lojtari i fundit që ka rënë në radarin e Real Madridit është ylli anglez i Tottenham Hotspur, Trippier.

Sipas mediumit anglez The Sun, Los Blancos janë të gatshëm të ofrojnë për Trippier plot 50 milionë funtesh apo 56 milionë euro.

Trippier ka parë rritjen e çmimit të tij në mënyrë dramatike pas paraqitjeve superiore në Kupën e Botës me Anglinë dhe është bërë një objektiv për klubet më të mira në Angli dhe jashtë saj.

Lexo po ashtu Formacioni më i mirë i Botërorit, dominon Franca

Megjithatë, Spurs pritet të kundërshtojë ofertat për mbrojtësin anglez, pasi ka nënshkruar me të një kontratë pesëvjeçare verën e kaluar.

Në rast transferimi të Trippier, dhe me Odriozolan tashmë në klub, Real Madridi do hiqte dorë nga Dani Carvajal. /Telegrafi/