LAJMI I FUNDIT:

Hahn edhe në Presidencë, Meta e falënderon për angazhimin

Hahn edhe në Presidencë, Meta e falënderon për angazhimin

Para takimit me ministrat e qeverisë Rama, komisionari Johannes Hahn u prit edhe nga presidenti i Republikës, Ilir Meta, në zyrën e këtij të fundit.

Presidenti Meta shprehu mirënjohje ndaj angazhimit të menjëhershëm të Komisionarit evropian për Politikën e Fqinjësisë dhe Negociatat e Zgjerimit,  Johannes Hahn, në nxitjen e hapave të mëtejshëm të negociatave.


Presidenti Meta vlerësoi mundësinë bashkëpunimit dhe të një leximi të përbashkët të përmbushjes së sfidave madhore për të garantuar çeljen e negociatave.

Gjithëpërfshirja dhe besueshmëria janë element kyç për ecurinë e suksesshme të reformave, nënvizoi Presidenti i Republikës.

Presidenti Meta e cilësoi tejet të rëndësishëm përqendrimin e agjendës evropiane të tri muajve të fundit tek Ballkani Perëndimor, një mbështetje e qartë e perspektivës evropiane të rajonit./TCh/