Paralajmërimi i shefit të ashtuquajturës Zyrë për Kosovën në Qeverinë e Serbisë, Marko Gjuriq, për serbët në Kosovë që të mos bëhen pjesë e Ushtrisë së Kosovës, sepse mund të dënohen deri në dhjetë vjet burg, sipas njohësve të fushës së sigurisë në Kosovë, ky është një shantazh dhe veprim jo demokratik.
Ish-komandanti i Forcës së Sigurisë së Kosovës, Kadri Kastrati në një prononcim për Telegrafin ka thënë se Serbia nuk është për zgjidhjen e çështjes së fqinjësisë me Kosovën.
Sipas tij, Serbia përmes Gjuriqit po tregon se nuk është e interesuar të zgjidhë çështjen e qytetarëve serbë që jetojnë në Kosovë.
“Serbia nuk është për zgjidhjen e çështjes së fqinjësisë dhe të qytetarëve serbë të Republikës së Kosovës. Ata jetojnë në Kosovë dhe normal që janë të thirrur të jenë pjesë e shoqërisë kosovare, e institucioneve të Kosovës, pse jo edhe pjesë e ushtrisë së Kosovës. Ata janë trajtuar të barabartë gjatë së kaluarës në TMK dhe tani në FSK. Po them edhe njëherë, Serbia përmes Gjuriqit po tregon se nuk është e interesuar të zgjidhë çështjen në rend të parë të qytetarëve serbë që jetojnë në Kosovë. Nuk kam koment. Një njeri që mendon shëndosh dhe jeton në botën demokratike nuk mund ta kuptoj një deklaratë të tillë”, ka thënë Kastrati.
Duke shpresuar që këto deklarata të mos ndikojnë tek qytetarët serbë, Kastrati ka porositur ata të bëjnë jetë normale dhe të shikojnë përpara, ndërsa assesi të mos ndikohen nga deklaratat e politikanëve me orientim nacionalist dhe shovinist.
“Dëshiroj që këto deklarata të mos ndikojnë tek qytetarët serbë në Kosovë. Ata nuk duhet t’i dëgjojnë deklaratat e njerëzve me pikëpamje nacionaliste apo shoviniste, të shikojnë jetën e tyre përpara, pasi që askush nesër s’ka për t’iu ndihmuar atyre që ta jetojnë jetën normale. Këto janë deklarata për përfitime të tyre personale dhe asgjë tjetër”, theksoi Kastrati, për Telegrafin.
Edhe Skënder Perteshi nga Qendra Kosovare për Studime të Sigurisë, ka thënë se përmes këtyre deklaratave po tentohet të pengohet integrimi i plotë i komunitetit serb në Kosovë.
Pavarësisht kësaj, shtoi ai, shifrat tregojnë dyfishim të numrit të serbëve të integruar në FSK në raport me gjashtë muajt e kaluar.
“Kjo është vetëm një prej shantazheve, direktivave që komuniteti serb në Kosovë të mos inkuadrohet jo vetëm në FSK, por në të gjitha institucionet e sigurisë në Kosovë. Pra, ata dëshirojnë që nëpërmes këtyre presioneve apo deklarimeve të frikësojnë dhe të pengojnë integrimin e komunitetit serb. Mirëpo, rezultatet tregojnë krejt diçka tjetër krahasuar me numrin e të integruarve serb që kanë qenë deri para gjashtë muajve. Ky numër është dyfishuar sidomos i serbëve që vijnë nga veriu i Kosovës. Ata përveç se i ndjekin trajnimet në FSK, janë pjesë edhe e trajnimeve, si dhe akademive të ndryshme ushtarake”, tha Perteshi, për Telegrafin.
Ndryshe, i ashtuquajturi drejtor i Zyrës për Kosovën në Qeverinë e Serbisë, Marko Gjuriq, ditë më parë u ka bërë thirrje serbëve në Kosovë që të mos bëhen pjesë e Ushtrisë së Kosovës, duke thënë se “në bazë të Ligjit penal të Serbisë pjesëmarrja në formacionet ilegale të armatosura është e dënueshme deri në dhjetë vjet burg”. /Telegrafi/
Lufta Prigozhin - Putin
Më shumëPlagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit