Ministri i Shëndetësisë, Uran Ismaili, deklaroi sot se janë duke tentuar që të investojnë në shëndetësi, por se nuk mund të ketë reforma në këtë sektor pa ngritjen e pagave për personelin shëndetësor.
Këto komente kreu i dikasterit të Shëndetësisë i ka bërë gjatë një vizite që i ka bërë Qendrës Klinike Stomatologjike Universitare të Kosovës në ditën e shëndetit oral.
Ministri Ismaili tha se kanë nisur një reformë, e cila sipas tij duhet të jetë reformë praktike, e cila bazohet në atë që e vendos pacientin në qendër të vëmendjes dhe që mbështet profesionistët shëndetësor për ta kryer këtë shërbim.
“Reformë në shëndetësi nuk ka pa ngritje të pagave të personelit shëndetësor, nuk ka dhe është mirë me lidh me reformë. Nuk është me lidh vetëm me juve, është me lidh me diçka më të madhe sesa me individuale, me një person apo dy persona. Prandaj, ne duhet të krijojmë një reformë dhe në atë reformë ju jeni epiqendra e asaj reforme, pra pa iu adresuar çështjet, të cilat i keni ju nuk mund të adresohen çështjet e pacientëve. E dyta, natyrisht që shëndetësia ka mbetur e nënfinancuar në Kosovë, do të thotë është shumë e nënfinancuar, ka qenë për një kohë të gjatë e nënfinancuar. Si e tillë, e ka krijuar një situatë ku gjithçka është jashtë standardit të vet në pajisje, investime kapitale, qoftë në ndërtesa. Do të thotë çdo gjë është jashtë normales që ish dashur të jetë”, tha ministri Ismaili.
Lëvdata ministri Ismaili pati për menaxhimin e kësaj klinike, ku tha se duhet të ndjehen krenarë për punën që e bëjnë. Ai u shpreh se është hera e parë që po e viziton një institucion shëndetësor dhe e gjen më mirë sesa që e ka pritur.
“Edhe unë edhe drejtori duhet të konsiderojmë veten që ne jemi për juve, nuk jemi këtu për karrigen tonë personale. Karriga jonë është për arsye se ne e kemi dashur të jemi në shërbim të juaj dhe në qoftë se nuk e shohim si të tillë që jemi në shërbim të juaj atëherë ne jemi duke e abuzuar karrigen tonë. Kështu që në çfarë do lloj varianti që ju e shihni që ekziston mundësia për të vendosur komunikim dhe me qenë unë prapë kurdo që ju e shihni të arsyeshme, po e them prapë jo për individin, por për kliniken”, tha ministri.
Anëtari i bordit të SHSKUK-së, Fatmir Dragidella, tha se reformat në shëndetësi mund të vijnë vetëm me njerëz të rinj, ndërsa u shpreh optimist se me përkrahjen e ministrisë mund të arrijnë që në të ardhmen të kenë një ndërtesë të re, pasi sipas tij operojnë në ndërtesën më të vjetër në QKUK.
“Qasja e ministrit të ri është pak më ndryshe sesa e disa ministrave tjerë për faktin se është në moshë shumë më të re se na dhe ky i kupton sendet pak më ndryshe se na. Kështu që edhe reformat vijnë me njerëz të ri, reforma me njerëz të vjetër nuk munden të bëhen, kështu që njerëzit e ri bëjnë edhe reformat e reja. Reformat kanë me u bë pavarësisht se a dëshirojmë ne apo nuk dëshirojmë. Këto synimet që i kemi ne për zhvillimin e stomatologjisë në Kosovë janë synime të arritshme, janë reale, nuk janë diçka imagjinare. Ne e kemi një buxhet jashtëzakonisht të vogël për shërbime dhe mallra që është qesharak, mirëpo atë buxhet për çdo vit po e shfrytëzojmë ashtu qysh po e shfrytëzojmë na kemi arritur që kjo ndërtesë të duket pak më ndryshe”, tha ai.
Ministri i Shëndetësisë, Uran Ismaili ka vizituar edhe objektin e kësaj klinike dhe ka vizituar edhe studentët e stomatologjisë. /kp/Telegrafi/
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Të shtëna me armë në Lupç të Podujevës, katër të plagosur
Ndalohen për 48 orë pesë të dyshuar për rastin e plagosjes në Lupç
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Prokuroria jep detaje për plagosjen e katër personave në Lupç të Podujevës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit