Candreva: I dëshpëruar pa gola, Icardi njeri dhe sulmues i madh

Sulmuesi i Interit, Antonio Candreva, e pranon se është i dëshpëruar nga fakti se nuk po arrin të shënojë gola.

Italiani ka dhuruar tetë asistime këtë sezon, shifër më e madhe se e çdo lojtari të zikaltër, por ende nuk ka gjetur rrugën drejt golit në 23 ndeshje.

“Unë dhe Ivani (Perisic, i dyti për nga asistimet) do japim gjithmonë më të mirën për këtë fanellë”, ka thënë Candreva për Inter TV.

“Këtë vit nuk jam duke shënuar dhe jam i dëshpëruar nga kjo pasi nuk mund të jesh vendimtar nëse nuk shënon, është emocion unik”.

“Unë pëlqej t’i bëjë tjerët të shënojnë, që kur isha i vogël pëlqeja fanellën me numrin 10 dhe ata lojtarë që bënin pasimin e fundit, si Zinedine Zidane dhe Roberto Baggio”.

“Objektivi jonë është Liga e Kampionëve dhe të gjithë ne jemi pjesë përbërëse e këtij projekti”.

“Luciano Spalletti? Kam marrëdhënie të mira me atë, është fatkeqësi që nuk kam punuar me atë më herët në karrierë. Ai i nxjerr gjërat nga ti që ju nuk e keni ditur se i keni, është i sinqertë dhe besnik. Nëse do isha më i ri do kisha një proces të rritjes më të mirë me atë, e them këtë pasi e shikoj se si merret ai me të rinjtë këtu”.

Lexo po ashtu Man Unitedi është gati të rivalizojë Realin për Icardin

“Mauro Icardi? Një njeri dhe sulmues i madh, mendoj se ai mund të përmirësohet ende. Jemi me fat që ai është me ne”, ka thënë për fund italiani për televizionin zyrtar të klubit. /Telegrafi/