Katalunasit pushtojnë Madridin, Barcelona vazhdon si e pamposhtur në La Liga (Video)
Barcelona ka arritur ta fitojë ‘El Clasico’-n numër 270 në histori të kësaj përballje.
Katalunasit kanë mposhtur si mysafir Real Madridin me rezultat të pastër 3-0 për të vazhduar si të pamposhtur në La Liga.
Vetëm pas tre minutave lojë, ‘Los Blancos’, gjetën golin e parë në këtë ndeshje me Cristiano Ronaldon, por që u anulua nga gjyqtarët për shkak të pozitës jashtë loje.
Kampionët e Evropës u treguan të rrezikshëm edhe në minutën e 10-të, kur Ronaldo nuk arriti të godiste mirë e topi që po shkonte në drejtim të Carvajal në fund e largoi Iniesta në këndore.
Kartoni i parë i verdh erdhi në minutën e 18-të për mbrojtësin belg Thomas Vermaelen i cili ndali Luka Modricin që ishte nisur në një kundërsulm të shpejtë.
Rasti i parë i rrezikshëm për kryesuesit e La Ligas erdhi nga Lionel Messi, kur u shërbye mirë nga Paulinho por u bllokua nga mbrojtja kundërshtare goditja e tij.
Pasi kaluan gjysmë ore lojë, Keylor Navas i vendasve bëri një ndërhyrje spektakolare pas goditjes së Paulinhos duke i mohuar golin brazilianit.
Vetëm një minutë më vonë, futbollisti më i mirë në botë për vitin që po lëmë pas, Cristiano Ronaldo depërtoi bukur në zonë dhe goditi fuqishëm, por Ter Stegen intervenoi në mënyrë fantastike duke mbetur rezultati 0-0.
Braziliani Paulinho u tregua edhe njëherë i rrezikshëm në minutën e 39-të kur goditi bukur me kokë por intervenoi edhe njëherë në mënyrë të mrekullueshme Keylor Navas.
Në aksionin vijues, Barcelona përsëri u tregua e rrezikshme kur një harkim të rrezikshëm nga Sergi Roberto e largoi Sergio Ramos.
Tre minuta para fundit të ndeshjes, një tjetër rast i rrezikshëm për madrilenët, kur pas harkimit të Marcelos, Benzema tentoi me kokë por për fat të mirë të mysafirëve topi goditi vetëm shtyllën pingule.
Me rezultatin e barabartë 0-0 përfunduan 45 minutat e para të kësaj super sfide.
Pjesa e dytë nisi në mënyrë të mrekullueshme për Barcelonën të cilët edhe gjetën golin e epërsisë.
Ivan Rakitic depërtoi mjaftë mirë në sulm duke shërbyer Sergi Roberton e ky i fundit asistoi për mrekulli tek Luis Suarez i cili shënoi për 0-1 në minutën e 54.
Reali tentoi të kthehej në lojë por një gjëje të tillë nuk ia arritën.
Në minutën e 64-të, kur topi ishte duke shkuar drejt portës, Dani Carvajal i Real Madridit e ndali atë me dorë.
Gjyqtari akordoi penallti dhe e largoi nga ndeshja me karton të kuq reprezentuesin spanjoll.
I saktë nga pika e bardhë ishte Lionel Messi që shënoi golin e 25-të në histori të ‘El Clasico’-s, ndërsa të 15-tin këtë edicion në La Liga.
Gareth Bale i inkuadruar në pjesën e dytë pati një rast të mirë shënimi por Ter Stegen u tregua i zoti duke pritur goditjen e tij.
Në minutën e 80-të, Nelson Semedo depërtoi bukur në zonë duke goditur por që ishte i pasaktë.
Krejt në fund të ndeshjes, ishte zëvendësuesi Aleix Vidal që shënoi për rezultatin përfundimtar Real Madrid – Barcelona 0-3.
Pas kësaj fitore, Barcelona vazhdon të mbetet në krye të La Ligas me 45 pikë të grumbulluara 14 më shumë se Real Madridi në pozitën e katërt por që kanë një ndeshje më pak të zhvilluar.
Në ndeshjen e radhës Barcelona do të jetë nikoqire e Levantes në ‘Camp Nou’, ndërsa Real Madridi do të ketë një udhëtim të vështirë te Celta Vigo. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ish-futbollisti që e la karrierën profesioniste për t’u bërë luftëtar në UFC tani po shpartallon kundërshtarët
Ardhja e Ancelottit i befasoi lojtarët e Real Madridit, pasoi një ‘çmenduri’ e plotë në dhomën e zhveshjes
Çmenduria e Ozil: Ngritë 50 kilogramë me një dorë dhe 50 me tjetrën – “bishë” në transformim trupor
Nga Spanja raportojnë se Lunin ka arritur marrëveshje me gjigantin e Ligës Premier
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
Çmenduria e Ozil: Ngritë 50 kilogramë me një dorë dhe 50 me tjetrën - "bishë" në transformim trupor
Lojtari i harruar i Liverpoolit, i cili iu bashkua klubit pesë vjet më parë pritet të shkëlqejë nën urdhrat e Arne Slot
Pas Salah-Klopp, Erling Haaland konfrontohet me Pep Guardiolan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak