Interi dhe De Vrij arrijnë marrëveshje, Lazio në panik

Raportohet se Interi ka një marrëveshje me Lazion për mbrojtësin e Stefan de Vrij për afatin kalimtar të verës .

Mbrojtësi holandez do të jetë pakontratë në fund të sezonit dhe tashmë klubi nga kryeqyteti italian i ka ofruar lojtarit rrogë vjetore për 2.5 milionë euro, me një klauzolë prej 28 milionëshe.

Lexo po ashtu Nga Deulofeu te Musonda: Të gjithë sulmuesit e ndjekur nga Interi për afatin e janarit

Lazio i ka kërkuar një përgjigjje para se të hapet afati kalimtar i verës.

Sipas Gazzetta dello Sport, Interi tash e disa kohë është duke punuar në këtë drejtim, por edhe Juventusi i është futur garës seriozisht në muajt e fundit.

Por, Bianconerët do e kthejnë Mattia Caldaran nga Torino verën e ardhshme dhe i kanë ofruar rinovim Andrea Barzagli, pas kësaj Nerazzurrët janë favorit për shërbimet e De Vrij.

GdS thotë se palët tashmë kanë arritur marrëveshje pesë-vjeçare me një rrogë 3.5 milionë euro për sezon dhe me disa bonuse shtesë.

Tani vetëm duhet konfirmimi i Suning Group për të vazhduar më tej, në mënyrë që të shmanget edhe konkurrenca e Manchester United, Barcelona ose Atletico Madridit. /Telegrafi/