Cavani dhe Neymar përsëri zënkë për shkak të një penalltie, goditën njëri tjetrin me kokë – braziliani e shtyn uruguaianin pas humbjes së penalltisë (Foto/Video)

Edinson Cavani dhe Neymar nuk janë duke u bërë rehat mes vete në Paris Saint Germain.

Paris Saint Germain ka fituar ndeshjen e radhës në Ligue 1, 2-0 ndaj Troyes por jo gjithçka ka shkuar mirë.

Në pjesën e parë lideri aktual i Ligue 1 fitoi një penallti nëpërmjet Cavanit dhe ky i fundit vendosi që vet ta ekzekutojë atë.

Edhe kësaj radhe kishte mosmarrëveshje mes dy yjeve të PSG-së, Cavanit dhe Neymarit.

Braziliani u afrua tek uruguaiani dhe ia kërkoi topin por ky i fundit refuzoi ta bëjë një gjë të tillë.

Në pamjet filmike shihet se dyshja kishte edhe një përplasje me kokë, ndërsa Cavani nuk ishte i saktë nga pika e bardhë.

Pasi që e humbi penalltinë, Neymar e shtyu sulmuesin uruguaian dhe kjo gjë nuk i ka pëlqyer fare trajnerit Unay Emery.

Dy sulmuesit e PSG-së kishin një zënkë mes vete edhe në ndeshjen me Lyonin për shkak të një penalltie.

Tani klubi është në hall të madh me ‘rebelët’ pasi njëri nga ta duhet të largohet nga ‘Parc de Princes’.

Në Francë janë të sigurt, se njëri mes Neymar ose Cavani do të largohen nga klubi qysh në afatin kalimtar të janarit, pasi të dy me njëri tjetrin në repartin ofensivë të Parisit nuk po shkojnë. /Telegrafi/