Belotti pasues i Mbappes te Monaco?

Nuk ka përfunduar akoma vera e nxehtë për sulmuesin e Torinos, Andrea Belotti.

Pasi mbeti jashtë radarëve të Milanit, 23-vjeçari është shndërruar objektiv kryesor i Monacos në kampionatin francez. Klubi nga principata e konsideron futbollistin italian si trashëgimtarin e Kylian Mbappe, për të cilin PSG mësohet se është gati të shpenzojë plot 140 milionë euro  plus kartonun e Lucas Mouras.

Me një shifër të tillë arkëtimesh, Monaco nuk do ta kishte problem të paguante klauzolën e largimit të Belottit, që është fiksuar plot 100 milionë euro nga drejtuesit “granata”.

Në fakt blerja e mundshme e Belottit nga Monaco do të vinte si një efekt domino, gjithmonë me protagonist PSG, që pas çmendurisë së bëri me Neymar, ka planifikuar të tjera shpenzime marramendëse në këtë tregun e transferimeve verore, transmeton SS.

Përveç Mbappes, klubi nga principata dëshiron edhe Fabinhon, e në total ky operacion mund t’i kushtojë 220 milionë euro.

Pikërisht nga kjo lëvizje pritet të përfitojë Torino, që është e bindur se Belotti kushton të paktën 100 milionë euro. Për një shumë të tillë çdo ekip jashtë Italisë mund ta bëjë të tijin talentin e futbollit italian.