Radio e njohur angleze e sheh Hysajn në Ligën Premier

Interesimi i klubeve angleze për Elseid Hysajn duket gjithnjë e më i madh.

Manchester United dhe Chelsea kanë dërguar vazhdimisht vëzhgues në ndeshjet e Napolit për të parë në veprim mbrojtësin, por me sa duket, janë londinezët e Antonio Contes ata që janë shumë më afër mbrojtësit të djathtë.

Sipas Talksport, radios të njohur sportive angleze, Hysaj është një prej alternativave më të mundshme për të zënë vendin e mbrojtësit të djathtë në rreshtimin e Cheseas në sezonin e ardhshëm.

Antonio Conte ka përdorur Viktor Mosesin në këtë rol gjatë këtij sezoni, me rezultate mjaft pozitive, por ka nevojë për një futbollist tipik për këtë rol në edicionin e ardhshëm.

“Chelsea, bashkë me Arsenalin dhe United, janë përmendur edhe më parë në garën për mbrojtësin e djathtë shqiptar. Ai është vetëm 23 vjeç, por ka që tani 160 ndeshje në futbollin italian si dhe ka qenë kapiten i Kombëtares së tij, që tregon se është i pjekur sa duhet për një lëvizje në kampionatin anglez”.

“Ndoshta ndërhyrjet e tij janë disi të pakujdesshme, meqë ka marrë 7 kartonë të verdhë këtë sezon, por atij i pëlqen të dalë para dhe të ndihmojë shokun e skuadrës që ka në krah, Callejon. Edhe ndaj Juventusit, gjatë fundjavës, ai u shfaq duke dribluar në zonën e rreptësisë”, shkruhet në portalin e radios më të madhe sportive në Angli.

Për krahun e djathtë Chelsea janë duke montuara edhe disa lojtarë të tjerë.