Buffon mund të thyejë një rekord ndaj Chievos dhe të hyjë në histori të Serie A

Gigi Buffon është i vendosur të arrijë një pikë referimi nesër, pasi ndaj Chievos do të jetë ndeshja e tij e 600 në Serie A.

Portieri i Bianconerëve është aktualisht në 599 ndeshje në Serie A italiane, ku ka luajtur me fanellat e Parmës dhe Juventusit, ndërsa me paraqitjen e të dielës pasdite në Stadio Bentegodi, ai do të arrij ndeshjen e 600-të.

Me katë rekord, portieri i ‘Zonjës së Vjetër’ arrin të bëhet futbollisti i katërt me më shumë paraqitje në Serie A, pasi vetëm tre lojtarë të tjerë kanë arritur kurrë këtë shifër, shkruan Telegrafi.

Lexo po ashtu Buffon, nga debutimi me Parman deri te maja e suksesit: 10 gjërat që duhet t’i dini për atë (Foto)

Kapiteni i Romës, Francesco Totti, i cili ende është aktiv gjendet në numrin e 607 ndeshjeve, ndërsa Javier Zanetti i pensionuar ka 615 ndeshje për Interin, ndërsa rekordi mbahet nga Paolo Maldini me 647 ndeshje të luajtura në Serie A.

Ndryshe, Buffon bëri debutimin e tij më 19 nëntor të vitit 1995 në barazimin 0-0 të Parmas me Milanin dhe në atë kohë ai ishte vetëm 17 vjet e nëntë muaj dhe që nga ajo kohë pjesa tjetër është histori. /Telegrafi/