Ambasadorja e Kosovës në Washington është bërë pjesë e faqes së parë të revistës elitare Washington Life. Por më shumë se kjo, është artikulli nga brenda që shpjegon jetën dhe të dhënat e tjera se kush është e nga vjen Çitaku.
Më saktë, është opinioni i saj me titull “Rruga e Vlora Çitakut nga refugjate në ambasadore”.
Aty diplomatja kosovare rrëfen për përvojën e saj se si të qenit refugjate para 17 vjetëve, ka ndikuar në pikëpamjen e saj për krizën e sotme me refugjatë.
Pasi shkruan se si forcat serbe i kanë depërtuar familjen e saj dhe shumë shqiptarë të Kosovës sipas një plani të tyre për spastrim etnik dhe se si nëna e saj e ka porositur të kujdesët për motrën e saj, ajo tregon se nuk e dinin as ku po shkonin e aq më tepër që në atë tollovi ishte ndarë edhe nga prindërit, transmeton lajmi.net.
Çitaku më tej rikujton se krejt çfarë kishte marr me vete ishte shpresa për t’u kthyer në shtëpinë e saj aty ku kishte lënë përveç të tjerave, edhe fotografitë dhe lodrat e saj.
“Ne kosovarët jemi provë e gjallë se kur ka solidaritet ndërmjet kombeve të lira të botës, atëherë jeta e mund vdekjen dhe e mira ngadhënjen mbi të keqën”.
Më tej Çitaku në këtë opinion të saj në revistën elitare në Washington D.C, rrëfen me respekt të madh për mikpritjen që shqiptarët e Maqedonisë u kanë bërë atyre të Kosovës, e të cilët me krahët hapur i pritën në shtëpitë e tyre, transmeton lajmi.net.
Ajo rikujton Mexhidin i cili sikurse mijëra të tjerë nga Maqedonia, strehuan refugjatët nga Kosova dhe i hapën dyert e zemrës dhe shtëpive për ta.
“U afrua një burrë dhe më tha. Unë jam Mexhidi. Kam tre fëmijë. Nuk do t’iu lë juve rrugëve. Shtëpia ime është edhe e juaja e që në fakt u bë e tillë për tre muajt e ardhshëm”.
Pasi potencon faktin se pas tre muajsh me SHBA-në si prijëse të bombardimeve mbi forcat serbe dhe çlirimit, ajo u kthye në shtëpinë e saj për t’u bashkuar me familjen.
Por sipas ambasadores Çitaku, nëse kosovarët ishin me fat sepse bota reagoi shpejtë, është zemër thyese të shikohet e çfarë po ndodhë me refugjatët e tjerë në botë.
Ajo e quan të tmerrshme atë që po ndodhë sot me refugjatët në botë aq më tepër kur konsideron se ata sikur po përdorën për çështje politike.
Diplomatja kosovare rikujton se refugjatët janë çështje humanitare dhe duke u bazuar në përvojën e saj jetësore është e bindur se asnjëri nga ta nuk dëshiron ta lëshojë shtëpinë.
“Ne të gjithë duhet të kemi zemrën e hapur. Derisa politika duhet të punojë e të gjejë zgjidhjen, në të tjerët nevojitet të jemi njerëzorë”, shkruan ndër të tjera Çitaku, duke e përmbyllur opinion e saj me disa thirrje dhe pyetje për shpëtimin dhe ndihmën që duhet dhënë refugjatëve.
“Ne nuk duhet ta lëmë humanizimin të vdesë, sepse nëse ikën, atëherë në çfarë do të shndërrohemi ne? Çfarë vlerash do t’u trashëgojmë fëmijëve tanë? Çfarë do t’i mësojmë ata me sjelljen tonë?”.
Opinioni në origjinal i ambasadores së Kosovës në SHBA, Vlora Çitakut: First Person: Vlora Çitaku’s Journey from Refugee to Ambassador
Lufta Prigozhin - Putin
Më shumëNga Rubrika
Osmani në Samitin e Paqes: Kjo nuk është vetëm lufta e Ukrainës, ne kemi ofruar mbështetje në të gjitha frontet, përfshirë ndihma ushtarake
Vapa vazhdon ende në Maqedoni, numri i thirrjeve në ambulancë sa vjen e shtohet
Mungojnë ngjarjet kulturore në Tetovë
Milatoviq injoroi takimin me presidenten Osmani, reagon ish-kryediplomati malazez
Majko flet për sigurinë në rajon: Nëse prekët Kosova, do të prekët edhe Shqipëria
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës
Begaj takon presidenten e Moldavisë, i kërkon që ta njoh Kosovën
Pacolli: E papranueshme që Edi Rama të vijë për vizitë në Kosovë dhe Kurti të mos ketë kohë për një takim
Nga Kamenica në SHBA, vajza që po hulumton detektimin e hershëm të kancerit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Ndeshja Itali 2-1 Shqipëri në numra: Rekord historik, statistika mbresëlënëse dhe uragani kuqezi
Dominuam tribunën, por jo fushën – Shqipëria pëson ngushtë ndaj kampionit në fuqi të Evropës
Konferenca e paqes për Ukrainën, Zelensky: Në Zvicër do të shkruhet historia
Sylvinho reagon pas ndeshjes me Italinë: I kënaqur me paraqitjen, por jo me rezultatin
Kurban Bajrami të dielën, BIK njofton se në sa ora falet namazi
Notat e lojtarëve, Itali 2-1 Shqipëri: Shpëtojnë vetëm Bajrami dhe Gjimshiti, Bastoni lojtar i ndeshjes