Nën patronatin e kryeministrit të Kosovës, Isa Mustafa, në kuadër të Manifestimit Tradicional “Ditët e Shqipes”, u mbajt Akademi Përkujtimore në nderim të rënies heroike të Heroit Abaz Thaçi.
Në emër të Qeverisë së Kosovës ka folur zëdhënësi Arban Abrashi, i cili tha se lufta dhe rënia e Abazit për liri do të jetë gjithmonë udhërrëfyesi më i mirë për brezat e ardhshëm të vendit tonë.
“Abaz Thaçi ishte veprimtar i shquar për lirinë dhe pavarësinë e Kosovës. Bashkë me shumë veprimtarë të tjerë të çështjes kombëtare, ndër të parët u mor me përgatitjen e rezistencës së armatosur për çlirimin e Kosovës. Abazi tregoi zotësi e trimëri të jashtëzakonshme në luftën për lirinë e atdheut, duke u shndërruar në një model të luftëtarit e të prijësit të suksesshëm”, tha Abrashi.
Ministri Abrashi, tha po ashtu se Kosova e pavarur, shtet sovran dhe demokratik, ka qenë ëndrra dhe ideali i të gjithë atyre që punuan dhe u flijuan për lirinë dhe pavarësinë e Kosovës.”, citohet Abrashi nëpërmjet një komunikate për media nga zyra e kryeministrit Isa Mustafa.
Nënkryetari i komunës së Skenderajt, Fadil Nura, shprehu respektin për figurën e ndritur të Kosovës, dëshmorin e kombit Abaz Thaçi dhe familjen e tij.
“Të kujtosh Abazin është të kujtosh një personalitet të devotshëm, kurajoz dhe shembull i mençurisë dhe guximit të kombinuar natyrshëm. Abaz Thaçi, ky burrë Drenice është shembull i fisnikërisë, mençurisë së trashëguar dhe dijes së fituar me punë dhe përvojë ushtarake”, tha nënkryetari Nura.
Në emër të Brigadës “138 Agim Ramadani”, Fadil Hadërgjonaj, evokoi kujtime nga Beteja e Koshares, duke thënë se aty ishin takuar vizionarët, strategët dhe ushtarakët më të zotë, njohësit e artit të luftës të vendosur dhe betuar se do të luftojnë deri në fund me qëllim çlirimin e Kosovës.
“Ngjarjet e mëdha i bëjnë njerëzit e mëdhenj, të vendosur dhe të përkushtuar. Por, ngjarjet e mëdha i kanë edhe her onjtë e vet”, tha Hadërgjonaj, duke theksuar se shembulli i Heroit Abaz Thaçi, është i gjallë dhe i përjetshëm në mesin e qytetarëve të Kosovës.
Në emër të familjes, mbesa e Heroit Abaz Thaçi, Shaha Thaçi falënderoi të pranishmit për përkrahjen. Ajo tha se mesazhi i Betejës së Koshares ishte shumë i qartë, shembja e kufijve që i ndanë shqiptarët mes vete.
“Por për fat të keq shqiptarët kanë vënë kufij të panevojshëm mes vete, siç janë kufijtë ideologjik dhe partiak. Uroj nga zemra që ne si komb të jemi të bashkuar dhe t’i lëmë ndasitë, sepse edhe sot ne kemi nevojë më shumë se kurrë të bashkohemi për një qëllim të përbashkët”, tha mbesa e heroit Abaz Thaçi./KP/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe