Ndoshta keni dëgjuar për “rregullën e 5 sekondave”, mendimi që nëse e kapni shpejt ushqimin i cili ka rënë në tokë, ai do të mbetet pa mikrobe bakteriale.
Në fakt, një nxënëse e shkollës së mesme e ka thyer këtë mit që në vitin 2003, me një hulumtim të thjeshtë i cili ka përfshirë biskotat dhe arushat e gomës. Kur i ka vënë ato ushqime për pesë minuta në pllakat e tokës të infektuara me bakterin E.coli, dhe pastaj ka analizuar ushqimin, ka zbuluar që në çdo rast ka mbetur e infektuar.
Një studim më i detajuar i cili ka përfshirë pllakat, qilimin dhe drurin e infektuar me salmonela, dhe copat e bukës, ka treguar që bakteret mund të mbijetojnë në ato sipërfaqe deri në katër ditë, në sasi të mjaftueshme që të sëmurin njerëzit.
Nëse jeni të befasuar, ja edhe të dhënat e reja për mitet e tjera të zakonshme të cilat shpesh e kemi rastin t’i dëgjojmë.
Miti 1: Ushqimi i pazier është gjithmonë më ushqyes sesa ai i zier
Fakti: Derisa ndjekësit e dietës, e cila përfshin ushqim të pazier pohojnë që ngrënia e ushqimit të tillë ruan të gjithë materiet ushqyese, hulumtimet tregojnë që kjo ide është gjysmë e saktë. E vërteta është që nxehtësia shkatërron vitaminat e caktuara të tretshme në ujë, si vitaminën C, por zierja ngrit nivelin e disa materieve tjera ushqyese.
Për shembull, keçapi dhe salca e domateve përmban edhe deri gjashtë herë më shumë likopenë sesa domatet e paziera. Disa hulumtime kanë treguar që ky antioksidant i fortë redukton rrezikun nga kanceri i zorrës së trashë dhe prostata, por edhe të sëmundjeve të zemrës. Për të përmirësuar absorbimin e likopenës, duhet të hani domate të ziera me pak yndyrë, si me vaj të ullirit.
Miti 2. Kapërcimi i një shujte ngadalëson metabolizmin
Fakti: Mungesa e një shujte nuk e çon trupin tuaj në “gjendje të uritur”, por mund të shkaktojë që të hani më shumë gjatë vaktit tjetër, ose të jeni më të uritur. Hulumtimet tregojnë që janë të nevojshme rreth dy deri tri javë të konsumimit të ulët kalorik ose të paktën 24 orë pa ngrënë, para se të bëhet çfarëdo ndryshimi i rëndësishëm në metabolizmin tuaj.
Një hulumtim ka treguar që pas një deri tri ditë urie të plotë, vjen deri te rritja e përkohshme e metabolizmit bazal, ndërsa mosngrënia afatgjate e redukton, me rënien më të madhe tek personat me mbipeshë (kjo shpjegon pse për njerëzit e trashë shpesh është shumë vështirë të dobësohen madje edhe kur mbajnë dieta që përfshijnë konsumim shumë të ulët kalorik).
Miti 3: Shurupi i misrit me fruktozë të lartë është edhe më i keq se sheqeri
Fakti: Ideja që shurupi i misrit me fruktozë të lartë (HFCS) është veçanërisht i dëmshëm është “një nga ato mitet urbane që tingëllojnë të vërteta, por në thelb janë të gabuara”, thekson Qendra për shkencë në interes publik (The Center for Science in the Public Interest), grup i cili promovon shëndetin. Në realitet, sheqeri dhe HFCS janë gati identik, në aspektin ushqyes, me efekte të ngjashme në nivelin e insulinës, glukozës në gjak, triglicerideve dhe hormoneve të lidhura me urinë.
Problemi i vërtetë nuk është tipi i ëmbëltuesit që e hamë, por fakti që njerëzit konsumojnë për së tepërmi kalori të zbrazëta, të cilat janë fajtori kryesor për trashje. Rekomandohen më së shumti gjashtë lugë sheqer në ditë për femrat dhe nëntë për meshkujt, pa veçuar asnjërin lloj, si HFCS, si negativin e vetëm.
Miti 4: Lëngu i pemëve është i shëndetshëm
Fakti: Edhe pse një mollë në ditë mund ta mbajë mjekun larg nga ju, kjo nuk vlen për lëngun e mollës apo llojet e tjera të pemëve. Derisa shumë njerëz e konsiderojnë lëngun e pemëve zgjedhje më të shëndetshme sesa pijet tjera joalkoolike, të dhënat nga studimet e Harvard Nurses kanë treguar që femrat që pinë një apo më shumë gota të lëngut të frutave në ditë kanë më shumë probabilitet për të zhvilluar diabetin e tipit 2.
Njëlloj kështu hulumtuesit kanë zbuluar që femrat të cilat hanë tri vakte pemësh apo perimesh në ditë kanë rrezik shumë më të vogël nga diabeti, transmeton Koha.net. Jo vetëm që ngrënia e pemëve dhe perimeve i siguron organizmit fibra dhe vitamina të rëndësishme, por ato janë edhe ngopëse me çka reduktohet rreziku nga trashja (gjë që në fund rrit rrezikun nga diabeti).
Miti 5: Duhet ushqimi i pasur me shumë proteina për ndërtimin e masës muskulore
Fakti: Për rritjen e muskujve është e nevojshme të ushtroni me pesha dhe të konsumoni kalori shtesë. Megjithatë, nuk ekziston nevoja për pirjen konstante të shake-ve te më shumë proteina dhe konsumimin e madh të mishit.
Derisa proteinat janë të ushqyeshme, kyçe dhe të mira për ndërtimin, mirëmbajtjen dhe riparimin e indit, dieta shumë më tepër me proteina rrit rrezikun nga sëmundjet e zemrës, dëmtimi i veshkave dhe frakturat e eshtrave, si dhe disa lloje të kancerit, pohojnë mjekët për mjekësi të ndërgjegjshme. Në ushqimin tipik perëndimor shumica e njerëzve hanë sasi të mjaftueshme të proteinave të nevojshme për shëndetin e mirë. Akademia amerikane për ushqim dhe dietikë këshillon që të mos teprohet me konsumimin e proteinave, sepse ushqimi i balancuar po ashtu përfshin edhe karbohidratet e shëndetshme për energji dhe yndyra. /Telegrafi/
Promo
Reklamo këtuLufta Prigozhin - Putin
Më shumë![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Santiana Maloku dhe Lirimi i japin fund lidhjes së tyre?](https://telegrafi.com/wp-content/uploads/2024/09/santi-780x439.jpg)
Santiana Maloku dhe Lirimi i japin fund lidhjes së tyre?
![Persona të maskuar shihen në pjesën serbe të pikëkalimit kufitar në Bërnjak](https://telegrafi.com/wp-content/uploads/2024/09/Screenshot_6-8-780x439.jpg)
Persona të maskuar shihen në pjesën serbe të pikëkalimit kufitar në Bërnjak
![Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste](https://telegrafi.com/wp-content/uploads/2024/01/Xhelal-Svecla-konference-foto-Ridvan-Slivova-2-e1715268559295-780x439.jpg)
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
![Trajneri i Rumanisë tregohet një profesionist i vërtetë kur flet për lojën e Kosovës](https://telegrafi.com/wp-content/uploads/2024/09/lucescu-780x439.png)
Trajneri i Rumanisë tregohet një profesionist i vërtetë kur flet për lojën e Kosovës
![Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani](https://telegrafi.com/wp-content/uploads/2024/09/96121725651982-780x439.jpg)
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
![Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë](https://telegrafi.com/wp-content/uploads/2023/07/Donika-Gervalla-Schwarz-konference-foto-Ridvan-Slivova-4-780x439.jpg)
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë