Shumica e njerëzve që duan të humbin disa kilogramë drejtohen menjëherë drejt palestrës. “Por kilometrat që ata vrapojnë në pajisjen e vrapit, nuk i ndihmojnë ata në të vërtetë që të humbin peshë”, thonë shkencëtarët.
“Nëse bëni më shumë ushtrime, atëherë oreksi do ju rritet, e për këtë arsye, do të konsumoni më tepër ushqim”, lajmërojnë studiuesit.
“Kontrolli i kalorive, me apo pa rritje të aktivitetit fizik, është çelësi i ruajtjes ose humbjes në peshë”, zbuluan ata.
Doktor Richard Cooper dhe doktoreshë Amy Luke, nga Shkolla e Mjekësisë së Universitetit Lojola në Çikago, kanë studiuar lidhjen midis ushtrimeve dhe obezitetit për shumë vite.
Duke shkruar për Revistën Ndërkombëtare të Epidemiologjisë, ata thanë se “aktiviteti fizik është shumë i rëndësishëm për përmirësimin e shëndetit në përgjithësi dhe të niveleve të fitnesit”.
Megjithatë, ka prova të kufizuara që sugjerojnë se ai mund të luftojë obezitetin.
Kjo pjesë thelbësore e mesazhit të shëndetit publik nuk është vlerësuar në rekomandimet për të qenë më aktivë, për të ngjitur shkallët dhe për të ngrënë më shumë fruta dhe perime.
Duhet të qartësohet për publikun diçka që është shumë e dukshme për studiuesit: e vetmja mënyrë për të humbur peshë, është nëse konsumoni më pak ushqim.
Frekuentimi i palestrës na djeg kalori, por shumë më pak nga sa mendojmë.
“Pesë kilogramë dhjamë janë rreth 3500 kalori”, shpjegojnë studiuesit. Për të djegur pesë kilogramë dhjamë, duhet të vraponi rreth 61 kilometra.
Një kek i mbushur me çokollatë ose krem pastiçerie përmban rreth 500 kalori, ndaj juve do t’ju duhet të vraponi tetë kilometra ose të ecni për 16 kilometra që ta digjni atë.
Kur vjen puna për një makiato, që ka rreth 150 kalori, do t’ju duhet 2.5 kilometra vrap për ta djegur ose 5 kilometra ecje. Për këtë arsye, njerëzit nuk humbin peshë në palestër vetëm duke bërë ushtrime ose vrap.
Dushi në palestër
Një studim i ri sugjeron se një dush i ftohtë pas stërvitjes mund t’i dobësojë muskujt, shkruan Shqip. Qetësimi në banjë me ujë të ftohtë pas palestrës, një teknikë e preferuar veçanërisht nga lojtari i tenisit Andy Murray, besohej se kishte veti të mira për muskujt.
Tani, një studim zbuloi se burrat që bënin një dush 10 minuta në ujë prej 10 gradë Celsius, kishin muskuj më të dobët dhe masë muskulore më të paktë. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë