0Shares

Njëri ndër ardhjet e kësaj vere te Kosova, Lis Shoshi, që u dallua me lojën e tij në përballjen e parë ndaj Maqedonisë, pret që Kosova të arrijë fitore sonte ndaj rivalit të njejtë, në ndeshjen e kthimit që zhvillohet në Shkup.

Në një bisedë ekskluzive me Borozani.com, Shoshi ka thënë se kjo është ndeshja më e rëndësishme që do ta ketë Kosova, pasi që me fitore eventuale ekipi do të sigurojë fazën e radhës kualifikuese për Kupën e Botës.

“Ndeshja e sotme me Maqedoninë ka me qenë ndeshja më e rëndësishme që e ka pas Kosova deritash, pasi që fitorja eventuale do të na kualifikonte në raundin tjetër të kualifikimeve,” ka thënë Lisi, që luan për Little Rock në NCAA.

Më tej ai ka shtuar se reprezentacioni do të duhet të jetë i bashkuar si në sulm, ashtu edhe në mbrojtje për të arritur te fitorja.

“Maqedonia luan ndeshjen ‘të jesh ose të mos jesh’ dhe mendoj se ata do të jenë shumë agresiv në fillim kurse ne duhet të kemi koncentrim dhe të luajmë së bashku në të dyja anët e fushës për të ardhur deri te fitorja”, ka bërë të ditur pritjet Shoshi në këtë përballje për Borozani.com.

Kosova me fitore ndaj Maqedonisë sonte do të siguronte kualifikimin në fazën e radhës kuali×kuese të Kupës së Botës.

Të Ngjajshme
Shfaq Komentet (0)