Përbërja e ministrave të LSDM-së, kuadër i dëshmuar profesionalisht (Video)
Radmilla Sheqerinska, Oliver Spasovski, Damjan Mançevski, Ljupço Nikollovski janë ekipi i deritanishëm i ngushtë i kreut të LSDM-së, Zoran Zaev, që do të jenë pjesë edhe e kabinetit qeveritar. Por mes tyre janë edhe emra që vijnë nga universitetet siç janë profesori dhe eksperti për financa, Dragan Tevdovski, Renata Deskovska, që njëherit ishte edhe deputete. Listës së ministrave nuk i mungojnë edhe biznesmenë siç është Koço Angjushev si dhe Milla Carevska, aktiviste disavjeçare e shoqërisë civile. Por cilat janë biografitë e 17 ministrave të propozuar nga LSDM dhe partnerët e saj të koalicionit që garuan bashkërisht në zgjedhjet e fundit.
Radmilla Sheqerinska, një socialdemokrate me karrierë politike që do të jetë në postin e ministres së mbrojtjes, e cila ka ushtruar mandate të deputetes dhe të ministres gjatë qeverisjeve të LSDM nga pavarësimi i vendit. Ajo njihej më parë me rezultatet e arritur në planin e eurointegrimeve në kohën që ushtroi postin e zëvendëskryeministres për eurointegrime, kur Maqedonia hyri në fazën e parë të Marrëveshjes për Stabilizim dhe Asocim me BE-në, njofton TV 21.
Oliver Spasovski, sekretari i përgjithshëm i LSDM i njohur si ministër i MPB-së gjatë qeverisjes kalimtare teknike që organizoi zgjedhjet e fundit, rikthehet në këtë detyrë. Ai njihet më parë edhe si deputetë. Në krye të diplomacisë vjen Nikolla Dimitrov, që ka një karrierë të pasur në diplomaci. Ai ka qenë më parë zëvendës ministër i Punëve të jashtme. Ambasador i Maqedonisë në SHBA dhe më pas në Holandë. Dragan Tevdovski profesor dhe ekspert i financave do të udhëheq me ministrinë e financave. Në vitin 2016 e merr çmimin si shkencëtari më i mirë në Universitetin Kirili dhe Metodi në shkencat shoqërore.Ka qenë student me notë mesatare maksimale. Në krye të Ministrisë së Arsimit vjen Renata Deskoska. Deskoska është profesoreshë e rregullt në Fakultetin Juridik në Shkup. Ajo ka botuar një numër të madh të librave dhe punimeve në revista të vendit dhe ato ndërkombëtare. Ka marrë pjesë në shumë konferenca, seminare, dhe punëtori. Me ministrinë e transportit dhe lidhjeve do të udhëheqë, Goran Sugarevski. Edhe pse ai ishte koordinator i grupit parlamentar të LSDM-së nuk u gjind në listën zgjedhore mirëpo Zaev paraprakisht e ka planifikuar për këtë post. Sugareski njihet si deputeti më i zëshëm në Kuvend dhe rekorder për dorëzimin e numrit të amendamenteve. Lubço Nikollovski i cili ishte zv/ministër shtesë në Ministrinë e Bujqësisë i rikthehet kësaj ministrie, në postin e ministrit. Ishte sekretar i përgjithshëm i LSDM-së, ish-deputet dhe avokat. Damjan Mançevski për ministër të administratës dhe shoqërisë informatike. Mançevski ishte nënkryetar i LSDM-së, deputet, shef i shtabit zgjedhor, anëtar në Këshillin e Qytetit të Shkupit. Ka punuar si inxhinier në Agjencinë për komunikime elektronike. Me ministrinë për punë dhe politikë sociale do të udhëheq, Milla Carovska. Carovska është kryetare e komisionit për punë dhe politikë sociale të LSDM-së. Ajo është aktiviste shumëvjeçare në sektorin civil. Robert AllagjOzovski do të udhëheq me ministrinë e Kulturës. Allagjazovski është autor i antologjisë së teksteve artistike dhe jo artistike i më shumë se 150 kritikave, eseve, artikujve dhe shumë studimeve në sferën e filmit, literaturës dhe teatrit.
Për zv/kryeministër për çështje ekonomike është propozuar nga Oda ekonomike e Maqedonisë, Koço Angjushev, i cili është nënkryetar i kësaj ode. Ai është biznesmen i suksesshëm, themelues dhe drejtor ekzekutiv i shumë kompanive . Gjithashtu është profesor i rregullt në fakultetin e Makinerisë në Shkup.
Si ministra pa portofol nga radhët e LSDM-së janë propozuar : Edmond Ademi, Robert Popovski, Samka Ibrahimovsi, Zoran Shapuriq,Zorica Apostolovska dhe Adnan Qahili. /Telegrafi/
Lufta Prigozhin - Putin
Më shumëNga Rubrika
Demiri: Nuk është e ligjshme që Klinika të mos jetë e siguruar, menaxhmenti duhet të marrë përgjegjësi për këtë
Osmani për fjalimin e Vuçiqit në KS të OKB-së: Ai ka bërë një sërë deklaratash pos traumatike
Nis gjykimi ndaj Ramiz Merkos për blerjen e veturës luksoze, anulohet seanca e parë
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre