MPPS: Në kopshtin ‘Bleta’ për momentin nuk ka fëmijë

Ministria për Punë dhe Politike dhe Sociale (MPPS) sot ka kryer inspektim të caktuar mbikëqyrrës dhe kontrollë në objektin e rrugës 173 nr.8 në Shkup, duke u bazuar në njohuritë për ekzistim si institucion jolegal me emrin ‘Bleta’, e cila kujdeset për fëmijët e moshës parashkollore dhe kryen edukim të karakterit fetar, përcjell Telegrafi Maqedoni.

Mbi kontrollin inspektoriat, informojnë nga MPPS, në objektin e theksuar nuk kanë qenë fëmijët, madje as punonjësit, ndërsa pamja e jashtme dhe rregullimi i oborrit, theksojnë se atje zhvillohen aktivitete të karakterit fetar.

‘Mbikëqyrja është kryer në bazë të Ligjit të caktuar për mbrojtje të fëmijëve, ndërsa pas informacioneve të marra për kryerje të aktiviteteve: përkujdesje dhe edukim të fëmijëve, institucion i cili nuk është i regjistruar në Regjistrin e institucioneve për fëmijë pranë Ministrisë për Punë dhe Politikë Sociale, gjegjësisht në kundërshtim me ligjin’, kumton MPPS., njofton AIM.

MPPS ka dërguar njoftim zyrtar deri te MPB në lidhje me inspektimin e javës së kaluar në disa objekte, e cila është kryer më 21 korrik 2017, ndërsa gjatë ditës do të paraqes procesverbal nga mbikëqyrja e sotme.

Nga MPPS njoftojnë se edhe më tej do ta ndjekin rastin dhe do të veprojnë derisa të konstatohet ndryshimi i gjendjes. /Telegrafi/