0Shares

Nuk ka ndonjë rregull të veçantë se kur është koha e vërtetë për qethje e parë të flokëve. Nëse fëmija ka flokë të gjatë, të cilat e pengojnë, mund t’ia qethni edhe para se t’i mbushë një vit.

Si ta bindni fëmijën?

Mund ta merrni me vete te floktari në sallon kur ju shkoni për t’i qethur flokët. Në këtë mënyrë më mirë do të njihet me ambientin, do të shohë se si bëhet qethja e flokëve dhe si duhet të qëndrojë ulur derisa zgjat qethja.

Luajeni rolin e floktarit në ambientin e banimit tuaj. Vendoseni ulur në karrige dhe vërjani një peshqir rreth qafe sikur e bën floktari. Përdoreni krehër dhe gërshërë plastike, transmeton  Telegrafi.

Bisedoni me fëmijën – tregoni se si do të shkojë në sallon te floktari për t’u qethur, se si do të bëhet i bukur dhe se do të argëtohet shumë. Varësisht nga mosha, fëmijën mund ta lini të qëndrojë vetë ulur apo ta mbani në prehër para pasqyrës, mirëpo nëse konsideroni se fëmija do të frikësohet, më mirë është t’ia ktheni shpinën pasqyrës. Ngadalë vërjani mbështjellësen që të mos frikësohet.

Nëse refuzon, provoni t’ia vini vetëm një peshqir. Në vend se t’i lahen flokët, më mirë është që t’i spërkatën me ujë. Pas qethjes zhvishjani kanotierën që të mos e irritojnë qimet. Patjetër fotografohuni, sapo të përfundojë qethja. Kjo do të jetë një ngjarje shumë e rëndësishme për ju dhe për fëmijën tuaj.

Çfarë duhet të bëni, nëse fëmija juaj akoma refuzon të qethet?

Nuk bën të insistohet më shumë, për të mos e përjetuar qethjen si diçka shumë të keqe. Merreni në prehër dhe luani me të, derisa floktari e qeth. Merrni me vete ndonjë libër me fotografi për fëmijë që ta shikoni bashkë.

Cila është koha më e mirë për të caktuar qethjen?

Koha më e mirë për qethje është pas të ketë ngrënë fëmija racionin e vet të ushqimit, që fëmija të mos jetë i uritur dhe të mos bëhet nervoz. Nëse keni kohë të mjaftueshme gjatë ditës, zgjidhni kohën kur fëmija është më i qetë. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)