Deçani nuk feston pa Ramushin (Video)

Kryetari i Deçanit, Rasim Selmanaj, në Info Magazine të Klan Kosovës, ka thënë se kanë vendosur që për këtë ditë të mos kenë organizime festive në mungesë të Ramush Haradinajt.

Ai ka deklaruar se qytetarët nuk kanë shprehur interesim ta festojnë këtë ditë, ndërsa Haradinaj po mbahet në Francë me fletëarrest të Serbisë, njofton Klan Kosova.

“Nuk kemi menduar të bëjmë organizime të karakterit festiv sepse Ramush Haradinaj po mbahet padrejtësisht në Francë. Dhe ne jemi të habitur sesi Franca po i pranon fletëarrestet e Serbisë. Por ne jemi të bindur se ai do të kthehet në Kosovë dhe vetëm atëherë festa do të jetë e plotë. Ndjenja e njerëzve për ta festuar pavarësinë pa Ramushin nuk ka ekzistuar. Prandaj edhe kemi vendosur të mos kemi organizim”, ka thënë Selmanaj.

E pa Ramushin, nuk ndjenë gëzim që të festoj as nëna e tij, Rukë Haradinaj.

“Pak me u mërzitë po, se nuk është Ramushi këtu, me pas kanë Ramushi ne ishim kanë edhe më të lumtur e më të gëzueshëm. Që i kemi dy djem të vranë, unë jam krenare për ta. Pa Ramushin shtirë me prit Pavarësinë”, thotë ajo, ndërsa lotët i rrjedhin kur kujton me mall djemtë që ia fali atdheut dhe mungesën e Ramushit në shtëpi. “Shumë mirë, me mall të madh, por shumë mirë”./Telegrafi/