0Shares

“Coca-Cola” ka dështuar të përballet me dëmin mjedisor që ka shkaktuar nga prodhimi i mbi 100 miliard shisheve të plastike çdo vit, sipas një analize të “Greenpeace”, cituar nga “Independent”.

Në mars, kompania për pije ishte vënë në thumb të kritikave pas refuzimit për të zbuluar se sa shishe plastike ka prodhua. Kjo ka ndodhur në një anketë të bërë në mesin e gjashtë prodhuesve të pijeve, të kryer “Greenpeace”, përcjell albinfo.ch.

Organizata ambientaliste ende nuk ka zbuluar përdorimin e shisheve plastikeve nga “Coca-Cola”. Ajo ka ekzaminuar të dhënat mbi shitjet vjetore të linjave të produkteve të caktuara të një kompanie dhe përqindjen e tyre në paketa totale nga vitit 2012.

Bazuar në këtë metodë “Greenpeace” përfundon se “Coca-Cola” shet në mes të 108 dhe 128 miliardë shishe plastike në vit. Sipas anketës, shishet e disponueshme të kompanisë më të madhe të pijeve në botë përbëjnë gati 60% të mbushjes së shisheve globale të “Coca-Cola” dhe numri i tyre është rritur me 12% nga viti 2008 në vitin 2015.

“Në mungesë të të dhënave të plota të” Coca-Cola “, vlerësojnë se ajo prodhon më shumë se 100 miliardë shishe plastike, ose 3,400 shishe për sekondë, duke refuzuar që të marrë përgjegjësinë për rolin e saj në krizën e ndotjes. Oqeanet tona thjesht nuk mund të pranojnë më shumë plastikë të “Coca-Cola” “, thonë në Greenpeace .

Rreth 16 milionë shishe plastike përfundojnë në natyrë çdo ditë në Britani të Madhe, thekson organizata mjedisore. Një përfaqësues i degës britanike të “Coca-Cola”, tha se ishte i zhgënjyer nga raporti i “Greenpeace” në Britani. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)