0Shares

Kryetari i Partisë Demokratike, Lulzim Basha duke folur të premten në “Çadrën e Lirisë”, deklaroi se presidenti i Republikës nuk është as i PD-së, as i PS-së as i LSI-së, ai është dhe duhet të jetë presidenti i popullit.

Në fjalën e tij ndër të tjera, kryetari i PD-së e vendosi theksin te zgjedhja e presidentit dhe u shpreh se, “presidenti i Republikës nuk është as i PD-së, as i PS-së as i LSI-së dhe i asnjë partie”.

“Ai është dhe duhet të jetë presidenti i popullit. Ndaj propozimi ynë është ta zgjedhim presidentin nga populli. Qëllimi më i rëndësishëm në projektin e Republikës së Re është kalimi i pushtetit tek qytetarët. Zgjedhja e presidentit drejtpërdrejt nga populli i kthen pushtetin popullit dhe e bën Presidentin përgjegjës para popullit dhe jo partive politike”, ka thënë Basha.

Sipas tij, vetëm zgjedhjet e lira dhe të ndershme mund t’i hapin rrugën Republikës së Re.

“Duke qenë se zgjedhja e presidentit po shtrohet në tavolinë, e meqenëse po kërkohet kontributi ynë, ne kemi vetëm një zgjidhje për çështjen e presidentit të Republikës: të ndryshojmë Kushtetutën që presidentin ta zgjedhë drejtpërdrejt populli shqiptar”, u shpreh Basha. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)