0Shares

Javën e kaluar kanë qarkulluar disa spekulime të ndryshme të cilat supozonin se iPhone 8 dhe 8 Plus do të vijnë me mundësi të njohjes së tipareve të ftyrës, për rritje të sigurisë.

Sipas një raporti të ri, Apple ka blerë kompaninë RealFace, e cila është e specializuar në produktet e njohjes së fytyrës.

RealFace është kompani nga Izraeli, e themeluar në 2014 dhe që deri më tash ka zhvilluar softuere të njohjes së fytyrës që përdorin kyçjen e mençur biometrike.

Softueri i njohjes së fytyrës që ka krijuar kompania mund të përdoret si alternativë ndaj gjurmëve të gishtërinjëve për kyçje në një pajisje. Kjo teknologji pritet të jetë pjesë e iPhone-ëve të këtij viti.

Deri tani, nuk ka detaje se sa i ka kushtuar Apple blerja e RealFace dhe poashtu nuk ka asnjë konfirmim nga asnjëra prej kompanive për këtë blerje.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)