Agjencia Kosovare e Privatizimit paralajmëron që gjatë vitit të ardhshëm do të shtrijë edhe më tutje procesin e privatizimit tek ndërmarrjet shoqërore nëpër vendbanimet me shumicë serbe. Ekspertët e ekonomisë ndërkohë, tërheqin vërejtjen për probleme që do të shoqërojnë këtë proces, shkaku i kompetencave të gjera të komunave përkatëse dhe lidhjeve të tyre me Beogradin, që parashihet me planin Ahtisari.
Janë rreth 50 ndërmarrje nëpër enklava dhe Agjencia Kosovare e Privatizimit në rrathët e fundit ka tenderuar disa sosh, ndërkaq të tjerat parashihet të tenderohen gjatë vitit të ardhshëm, siç është rasti me kompleksin Brezovica. Mirëpo ekspertët adresojnë kritika edhe për këtë aspekt të privatizimit.
Isa Mulaj, ekspert i ekonomisë, thotë se dështimi është vënë re pikërisht sa i përket ndërmarrjeve të privatizuara me spin-off special dhe në enklava.
Ai vë në pah se legjislacioni në fuqi dhe Kushtetuta e Kosovës i nënshtrohen planit të Ahtisarit, dhe sipas kapitullit mbi decentralizimin, komunat serbe do të vetadministrohen, njëherësh do të kenë lidhje horizontale ndërmjet tyre dhe lidhje vertikale me Beogradin.
“Derisa në njërën anë themi se AKP-ja e ka juridiksionin për privatizimin e çdo ndërmarrje që gjendet në territorin e Kosovës, në anën tjetër nuk duhet të harrojmë se në territorin e Kosovës ka ndikim edhe Beogradi, sepse legjislacioni tjetër, respektivisht Plani i Ahtisarit që qëndron mbi Kushtetutën e Kosovës dhe mbi rregulloret e privatizimit, ia ofron këtë mundësi Serbisë”, thotë eksperti i ekonomisë, Isa Mulaj.
Por Zëvendësdrejtori i Agjencisë Kosovare të Privatizimit, Shkumbin Bicaj, thotë se vetëm AKP-ja ka kompetenca të plota për të bërë privatizimin e të gjitha ndërmarrjeve në Kosovë, dhe nuk ka nevojë të pyesë dhe as të konsultojë ndonjë shtet tjetër.
Nga rreth 600 ndërmarrje shoqërore sa janë në Kosovë, deri tani janë privatizuar pjesërisht ose tërësisht 251 sosh, fondi i privatizimit i krijuar nga 80 përqindëshi i vlerës së shitjes ka arritur në rreth 420 milionë euro, kurse nga 20 përqindëshi i shitjes punëtorëve iu janë shpërndarë rreth 20 milionë euro.
Por problematike mbetet se objektet e rreth 150 ndërmarrjeve shoqërore janë të zëna nga institucione të ndryshme, UNMIK-u, EULEX-i, KFOR-i apo institucionet vendore.
Bicaj thotë se sa i përket procesit të privatizimit, ai parashihet të zhvillohet dhe të përfundojë deri në vitin 2011, kurse procesi i likuidimit do të zgjasë me vite. (rtk)
Promo
Reklamo këtuLufta Prigozhin - Putin
Më shumëMusk hapave për t'u bërë trilioneri i parë në botë deri në vitin 2027, zbulon një raport
Produktet arrore që duhet patjetër t’i provoni
Për një muaj Albafone u bë një kompani globale
Fondi Sovran ende në Kushtetuese, vështirë i realizueshëm sipas ekonomistëve
Si të gjeni punën e përkryer pa shpenzuar orë të tëra në kërkim – Telegrafi Jobs ka zgjidhjen
Shijoni ushqimet japoneze në shtëpinë tuaj - Japanos tani me porosi online
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar